കനത്ത മഴയും വെളളപ്പൊക്കവും; എറണാകുളം ജില്ല ഡെങ്കി ഭീതിയില്‍... ഈ മാസം 21 പേര്‍ക്കാണ് ഡെങ്കിപ്പനി സ്ഥിരീകരിച്ചത്

കൊച്ചി: കനത്ത മഴയും വെളളപ്പൊക്കവും മൂലം എറണാകുളം ജില്ലയില്‍ ഡെങ്കിപ്പനി ഭീതിയിൽ. ജില്ലയില്‍ 21 പേര്‍ക്കാണ് ഈ മാസം ഡെങ്കിപ്പനി സ്ഥിരീകരിച്ചത്. പ്രളയത്തിന്റെ പശ്ചാത്തലത്തില്‍ ഡെങ്കിപ്പനിക്കെതിരെ മുന്‍കരുതല്‍ നടപടികള്‍ സ്വീകരിക്കണമെന്ന് ആരോഗ്യ വകുപ്പ് മുന്നറിയിപ്പ് നല്‍കി.

നിലവില്‍ ആശങ്കപ്പെടെണ്ട സാഹചര്യം ഇല്ലെന്നും ജാഗ്രത പുലര്‍ത്തണമെന്നും ആരോഗ്യവകുപ്പ് നിര്‍ദ്ദേശം നല്‍കി. കഴിഞ്ഞ മാസം 95 പേര്‍ക്കാണ് ജില്ലയില്‍ ഡെങ്കിപ്പനി പിടിപെട്ടതായി റിപ്പോര്‍ട്ട് ചെയ്തത്.

ജൂലൈ മാസത്തില്‍ പനി ബാധിച്ച്‌ 33,819 പേര്‍ ചികിത്സ തേടിയപ്പോള്‍ ഈ മാസം ഇതുവരെ 11,122 പേരാണ് പനി ബാധിച്ച്‌ ജില്ലയിലെ വിവിധ ആശുപത്രികളിലായി ചികിത്സ തേടിയത്.