കൊച്ചി: എറണാകുളം നാഷണൽ പബ്ലിക് സ്കൂളിലെ നൂറ്റിഎൺപതോളം കുട്ടികളും അവരുടെ ചിത്രകലാ അദ്ധ്യപികയും ചിത്രകാരിയുമായ സുരജ മനു അമൽ ദേവും ചേർന്നാണ് "ക്രാഫ്റ്റി കളർ 2020" എന്നപേരിൽ ചിത്രപ്രദർശനം സ്കൂൾ ഗാലറിയിൽ സംഘടിപ്പിച്ചത്.
വക്വഫ് ബോർഡ് എക്സിക്യുട്ടീവ് ഓഫീസർ ബി. എം. ജമാൽ പ്രദർശനം ഉദ് ഘാടനം ചയ്തു. പ്രസ്തുത ചടങ്ങിൽ പ്രിൻസിപ്പൽ ഇസ്രത് നൗഷാദ്, ചെയർമാൻ ടി. ഇ ബിലാൽ, മാനേജർ കബീർ ഹാജി, സെക്രട്ടറി പി.എച്ച്. ഇസ്മായിൽ എന്നിവർ സംസാരിച്ചു.
കുട്ടികളുടെ സർഗ്ഗാത്മകമായ കഴിവുകൾ നേരിൽ കണ്ട അദ്ധാപകരും അനദ്ധ്യാപകരും രക്ഷിതാക്കളും കുട്ടികളെ അഭിനന്ദനങ്ങൾ അറിയിച്ചു. കുട്ടികൾക്ക് കിട്ടിയ ഈ അവസരത്തിൽ ഒരുപാട് സന്തോഷിക്കുന്നു എന്ന് ചിത്ര കലാ ആദ്ധ്യാപിക പറഞ്ഞു. ചിത്രപ്രദർശനം മാർച്ച് 3 ന് അവസാനിക്കും.