അമര്‍ജവാന്‍ സ്‌മൃതിമണ്‌ഡപത്തിന്റെ ഉദ്‌ഘാടനം തൊടുപുഴയില്‍ നടന്നു

തൊടുപുഴ:  അമര്‍ജവാന്‍ സ്‌മൃതിമണ്‌ഡപത്തിന്റെ ഉദ്‌ഘാടനം തൊടുപുഴയില്‍ നടന്നു. മൂപ്പില്‍ക്കടവ്‌ പാലത്തിനു സമീപമാണ്‌ സ്‌മൃതിമണ്‌ഡപം. നിരവധി നിയമപോരാട്ടങ്ങള്‍ക്ക്‌ ശേഷമാണ്‌ തൊടുപുഴയിലെ വിമുക്തഭടന്മാര്‍ കോടതിയുടെ അനുമതിയോടുകൂടി സ്‌മൃതിമണ്‌ഡപം സ്ഥാപിച്ചത്‌.

കണ്‍വീനര്‍ പി.എന്‍. സുരേഷ്‌ പുഷ്‌പചക്രം സമര്‍പ്പിച്ചാണ്‌ സ്‌മൃതിമണ്‌ഡപത്തിന്റെ ഉദ്‌ഘാടനം നിര്‍വഹിച്ചത്‌. ഇടുക്കിജില്ലാ എക്‌സ്‌ സര്‍വ്വീസ്‌മെന്‍ സൊസൈറ്റി പ്രസിഡന്റ്‌ ജോര്‍ഡി ജോസഫ്‌, നിര്‍മ്മാണ കമ്മിറ്റിയംഗം കെ.എ.സലിം കോയിങ്കല്‍, തോമസ്‌ മാത്യു കുഞ്ചറക്കാട്ട്‌, കെ.ജെ.ഫിലിപ്പ്‌, വിമുക്തഭടന്മാര്‍, അവരുടെ കുടുംബാംഗങ്ങള്‍ തുടങ്ങിയവര്‍ പങ്കെടുത്തു.