ഇടുക്കി: മാനസീക വെല്ലുവിളി നേരിടുന്ന കുട്ടികൾക്ക് സർക്കാർ നിർദേശിച്ച സ്കോളർഷിപ്പു തുകയായ 28500 രൂപ ഇടുക്കി ജില്ലയിൽ പൂർണ്ണമായും നല്കിയ കുമളി, കുടയത്തൂർ പഞ്ചായത്തു അധികൃതരെ രക്ഷിതാക്കളുടെ സംഘടനയായ ,പരിവാർ, അനുമോദിച്ചു.
കടയത്തുർ ഗ്രാമപഞ്ചായത്ത് ഹാളിൽ ചേർന്ന യോഗത്തിൽ പരിവാർ ജില്ലാ പ്രസിഡന്റ് പ്രൊഫ. ജോസു് അഗസ്റ്റിൻ ഉപഹാര സമർപ്പണം നടത്തി. കടയത്തുർ പഞ്ചായത്തു് പ്രസിഡന്റ് പുഷ്പമ്മ വിജയൻ , കുമളി പഞ്ചായത്തു പ്രസിഡന്റിനു വേണ്ടി ബഡ്സു സ്കൂൾ ടീച്ചർ ഷൈബൻ മാത്യു എന്നിവർ ഉപഹാരങ്ങൾ ഏറ്റുവാങ്ങി.
ഗ്രാമ പഞ്ചായത്ത് ഹാളിൽ ചേർന്ന യോഗത്തിൽ ഐ.സി ഡി.എസ് സൂപ്പർവൈസർമാരായ അലീന, തേലാമ്മ പഞ്ചായത്ത് വൈസ് പ്രസിഡന്റ് , സാബു, സഹകരണ ബാങ്ക് പ്രസിഡന്റ് മുരളി, പരിവാർ മേഖലാ പ്രസിഡന്റ് അലക്സ്, ശശികല എന്നിവരും പ്രസംഗിച്ചു. അനു ബേബി നന്ദിയും രേഖപ്പെടുത്തി.