കഞ്ചാവ്‌ കൈവശം വച്ച് ജീപ്പില്‍ കടത്തികൊണ്ടു വന്ന പ്രതിക്ക് 5 വര്‍ഷം തടവ്

തൊടുപുഴ:  2016 നവംബര്‍ 2-ന്‌ തങ്കമണി അമലഗിരി ഭാഗത്ത്‌ വച്ച്‌ 1.600 ഗ്രാം കഞ്ചാവ്‌ കടത്തികൊണ്ട്‌ വന്നത്‌ തങ്കമണി പോലീസ്‌ സ്‌റ്റേഷന്‍ വനിതാ ഇന്‍സ്‌പക്ടര്‍ കെ.ജെ.ജോഷി പിടിച്ച കേസിലാണ്‌ തൊടുപുഴ എന്‍.ഡി.പി.എസ്‌. കോടതി സ്‌പെഷ്യല്‍ ജഡ്‌ജ്‌ കെ.കെ.സുജാത ശിക്ഷ വിധിച്ചത്‌.

പ്രതി തങ്കമണി അമലഗിരി ഉറുമ്പില്‍ സലികുമാര്‍ എന്നയാളെയാണ്‌ അഞ്ച്‌ വര്‍ഷം കഠിന തടവിനും 50000 രൂപ പിഴ അടക്കുന്നതിനും ശിക്ഷിച്ചത്‌. പ്രോസിക്യൂഷന്‌ വേണ്ടി സ്‌പെഷ്യല്‍ പബ്ലിക്‌ പ്രോസിക്യൂട്ടര്‍ ആന്റ്‌ അഡിഷണല്‍ ഗവണ്‍മെന്റ്‌ പ്ലീസര്‍ അഡ്വ.ബി.രാജേഷ്‌ ഹാജരായി.