പാലാ: ശ്രീനാരായണഗുരുവിന്റെ ദര്ശനങ്ങള്ക്ക് പ്രസക്തി വര്ദ്ധിച്ചുവരികയാണെന്നു ഇടതു മുന്നണി സ്ഥാനാര്ത്ഥി മാണി സി കാപ്പന് പറഞ്ഞു. ഏതു കാലഘട്ടത്തിലും പ്രസക്തി നഷ്ടപ്പെടാത്ത ഗുരുദേവ ദര്ശനങ്ങള് കേരളം ലോകത്തിനു നല്കിയ സംഭാവനയാണെന്നും കാപ്പന് പറഞ്ഞു. വിവിധ കേന്ദ്രങ്ങളില് സംഘടിപ്പിച്ച യോഗങ്ങളില് സംസാരിക്കുകയായിരുന്നു അദ്ദേഹം.
രാവിലെ മരണ വീടുകള് സന്ദര്ശിച്ചശേഷം മണ്ഡലത്തിലെ വിവിധ കേന്ദ്രങ്ങളില് സംഘടിപ്പിച്ച ചതയദിന ചടങ്ങുകളില് പങ്കെടുക്കാന് പുറപ്പെട്ടു. വിവിധ കേന്ദ്രങ്ങളിലായി സംഘടിപ്പിച്ച 24ല് പരം ചതയദിന ചടങ്ങുകളില് കാപ്പന് പങ്കെടുത്തു.