മീനച്ചിൽ ഫൈൻ ആർട്സ് സൊസൈറ്റിയുടെ 25-ാമത് വർഷ പരിപാടികള്‍ 18 ന് ഉദ്ഘാടനം ചെയ്യും

പാലാ:  മീനച്ചിൽ ഫൈൻ ആർട്സ് സൊസൈറ്റിയുടെ 25-ാമത് വർഷ പരിപാടികളുടെ ഉദ്ഘാടനം 18 ന് വെള്ളിയാഴ്ച വൈകിട്ട് 5ന് പാലാ മുനിസിപ്പൽ ടൗൺ ഹാളിൽ നടക്കുമെന്ന് സംഘാടകർ പാലായിൽ പത്ര സമ്മേളനത്തിൽ അറിയിച്ചു.

പ്രശസ്ത സിനിമാ താരം മിയാ വാർഷിക ആഘോഷ പരിപാടികൾക്ക് തിരി തെളിയ്ക്കും.പ്രസിഡൻറ് ഡോ. സുകുമാരൻ നായർ അധ്യക്ഷത വഹിക്കും.പാലാ നഗരസഭാ ചെയർപേഴ്സൺ ബിജി ജോജോ കുടക്കച്ചിറ മുഖ്യ പ്രഭാഷണം നടത്തും.

സമ്മേളനാനന്തരം കെ.പി. എ. സി. യുടെ "മുടിയനായ പുത്രൻ " നാടകവും അരങ്ങേറും. പത്രസമ്മേളനത്തിൽ മീനച്ചിൽ ഫാസ് നേതാക്കളായ ബെന്നി മൈലാടൂർ, ബൈജു കൊല്ലം പറമ്പിൽ, ഷിബു തെക്കേമറ്റം, കെ.കെ. രാജൻ, ബേബി വലിയ കുന്നത്ത്, ഔസേപ്പച്ചൻ വലിയവീട്ടിൽ എന്നിവർ പങ്കെടുത്തു.