പാലാ: കേരള തലസ്ഥാനം മൂന്നു ദിവസം പാലായില് !!! ഇടതു മുന്നണി സ്ഥാനാര്ത്ഥി മാണി സി കാപ്പന്റെ തെരഞ്ഞെടുപ്പ് പ്രചാരണത്തിന് മുഖ്യമന്ത്രി പിണറായി വിജയന് ഉള്പ്പെടെ മന്ത്രിമാരുടെ സംഘം പാലായില് എത്തുന്നതോടെയാണ് പാലാ താത്ക്കാലികമായി തലസ്ഥാനമായി മാറുന്നത്.
18,19, 20 തിയതികളില് മുഖ്യമന്ത്രി പിണറായി വിജയന് പാലായില് താമസിച്ചാണ് പ്രചാരണം നടത്തുന്നത്. 18നു രാവിലെ മേലുകാവില് ആദ്യ സമ്മേളനം.തുടര്ന്നു വൈകുന്നേരം 4ന് കൊല്ലപ്പള്ളി, 5ന് കരൂര് എന്നിവിടങ്ങളില് പ്രസംഗിക്കും.
19ന് 10 നു മുത്തോലി, 4ന് പൈക, 6 ന് എലിക്കുളം, 20ന് രാവിലെ 10ന് പനയ്ക്കപ്പാലം, 4ന് രാമപുരം, 6ന് പാലാ എന്നിവിടങ്ങളിലാണ് മുഖ്യമന്ത്രി പങ്കെടുക്കുന്ന തെരഞ്ഞെടുപ്പ് യോഗങ്ങള്.
മന്ത്രിമാരായ തോമസ് ഐസക്, എം എം മണി, ജി സുധാകരന്, സി രവീന്ദ്രനാഥ്, പി തിലോത്തമന്, ഏ കെ ശശീന്ദ്രന്, രാമചന്ദ്രന് കടന്നപ്പള്ളി, സി കെ നാണു തുടങ്ങിയവരും എം പിമാര്, എം എല് എമാര് തുടങ്ങിയവരും ഈ ദിവസങ്ങളില് പ്രചാരണത്തിനെത്തുന്നുണ്ട്.