പാലായില്‍ മാണി സി കാപ്പന്‍ പ്രചാരണം ഒന്നാംഘട്ടം പൂര്‍ത്തിയാക്കി

പാലാ:   പാലായില്‍ ഇടതുമുന്നണി സ്ഥാനാര്‍ത്ഥി മാണി സി കാപ്പന്‍ മണ്ഡലത്തിലെ എല്ലാ മേഖലകളിലും പ്രചാരണം ഒന്നാംഘട്ടം പൂര്‍ത്തിയാക്കി. സ്വകാര്യ സ്ഥാപനങ്ങളിലെ പ്രചാരണത്തിനുശേഷം മേലുകാവ്, മൂന്നിലവ് മേഖലകളിലെ വിവിധ കേന്ദ്രങ്ങളില്‍ തെരഞ്ഞെടുപ്പ് പ്രചാരണം നടത്തി.

അപകടത്തില്‍ പരുക്കേറ്റു വിശ്രമിക്കുന്ന സില്‍ജി തോമസിനെ സന്ദര്‍ശിക്കാനും സമയം കണ്ടെത്തി. തുടര്‍ന്ന് ചാലമറ്റത്ത് പ്രേംജിത്ത് ലാലിന്റെ ഗൃഹപ്രവേശന ചടങ്ങില്‍ പങ്കെടുത്തു.

അതിനുശേഷം സി എസ് ഐ ഈസ്റ്റ് കേരള മഹാ ഇടവകയുടെ സണ്‍ഡേ സ്‌കൂള്‍ ക്യാമ്പ്, ആയുര്‍വേദ ഡിസ്‌പെന്‍സറി, മേലുകാവ് തിരുഹൃദയമഠം എന്നിവിടങ്ങളില്‍ വോട്ടു തേടി.സീനിയര്‍ സിറ്റിസണ്‍സ് ക്ലബ്ബ് ഓണാഘോഷത്തിലും പങ്കെടുത്തു.

പിന്നീട് കവണാര്‍ ലാറ്റക്‌സിലെ തൊഴിലാളികളെ നേരില്‍ കണ്ട് വോട്ടുകളഭ്യര്‍ത്ഥിച്ചു. അതിനു ശേഷം മണ്ഡലത്തിലെ വിവിധ ഭാഗങ്ങളില്‍ നടന്ന വിവാഹ ചടങ്ങുകളില്‍ പങ്കെടുത്ത് വധുവരന്മാര്‍ക്ക് ആശംസ അറിയിച്ചു.