ഉഴവൂർ കോളേജ് കോമേഴ്സ് വിഭാഗം പൂർവ്വ വിദ്യാർത്ഥി സംഗമം നടത്തി

കോട്ടയം: ഉഴവൂർ കോളേജ് കോമേഴ്സ് വിഭാഗം പൂർവ വിദ്യാർഥി സംഗമം ഒക്ടോബർ 2 ബുധനാഴ്ച കോളേജിൽ നടന്നു. കോളേജ് പ്രിൻസിപ്പൽ പ്രൊഫ. ജോസഫ് തോമസ് സംഗമം ഉദ്ഘാടനം ചെയ്തു. കോമേഴ്സ് പൂർവ്വ വിദ്യാർത്ഥി സംഘടന പ്രസിഡൻറ് ജോസ് ചാണ്ടി അധ്യക്ഷത വഹിച്ചു.

വൈസ് പ്രിൻസിപ്പൽ ഡോ. ബെന്നി കുര്യാക്കോസ് കോമേഴ്സ് വിഭാഗം മേധാവി ഡോ.ജിഷാ ജോർജ് പ്രോഗ്രാം കോർഡിനേറ്റർമാരായ അഭിഷേക് തോമസ് കുര്യൻ വി ജോൺ എന്നിവർ സംസാരിച്ചു. മുൻ അദ്ധ്യാപകരായ വി.കെ ജോൺ , ഡോ . വി.എസ് ജോസ് , കെ.സി അബ്രഹാം എന്നിവർ സന്നിഹിതരായിരുന്നു.

വിദ്യാർത്ഥികളുടെ വിവിധ കലാപരിപാടികളും പൂർവ്വ വിദ്യാർത്ഥികളുടെ പരിചയപ്പെടുത്തലും, നറുക്കെടുപ്പിലൂടെ തിരഞ്ഞെടുത്ത ഭാഗ്യശാലികൾക്ക് സമ്മാനദാനവും നിർവഹിച്ചു.