ഫാമിലി കൗണ്‍സലിംഗ് ക്ലാസ് സംഘടിപ്പിച്ചു

കൊടിയത്തൂര്‍:  ഭാരതീയ സാങ്കേതിക വികസന കാര്യാലയത്തിന്റെ (എസ്.ഐ.ഡി.റ്റി) അംഗീകാരത്തോടെ ഗോതമ്പറോഡ് തണല്‍ വെല്‍ഫെയര്‍സൊസൈറ്റിയുടെ ആഭിമുഖ്യത്തില്‍ ആരംഭിച്ച സൗജന്യ തൊഴില്‍ പരിശീലന കേന്ദ്രത്തില്‍ തയ്യല്‍പഠിതാക്കളുടെ സംഗമവും ഫാമിലി കൗണ്‍സിലിംഗ് ക്ലാസും സംഘടിപ്പിച്ചു.

ഗോതമ്പറോഡ് എ.എം.ഐ ഹാളില്‍ കൗണ്‍സിലിംഗ് ക്ലാസ്സിന് സി അബ്ദു മാസ്റ്റര്‍ നേതൃത്വം നല്‍കി. പാഴ് വസ്തുക്കളില്‍ നിന്നും കരകൗശല-അലങ്കാര വസ്തുക്കളുടെ നിര്‍മ്മാണ പരിശീലന ക്ലാസിന്റെ ഡെമോണ്‍സ്‌ട്രേഷന്‍ സാദിക് കൊടിയത്തൂര്‍ നിര്‍വഹിച്ചു.

തണല്‍ രക്ഷാധികാരി പി അബ്ദുസത്താര്‍ അധ്യക്ഷത വഹിച്ചു. സാലിം ജീറോഡ്, ട്രെയിനര്‍ മുംതാസ്, ജുവൈരിയ കലാം എന്നിവര്‍ സംസാരിച്ചു.