മുക്കം: കശ്മീരില് ആസിഫ എന്ന എട്ടു വയസ്സുകാരിയെ സംഘ് പരിവാര് ഭീകരര് ആരാധനാലയത്തില് വെച്ച് അതിദാരുണമായി കൊലചെയ്തത് , സംഘപരിവാറിന്റെ ഭീകരവും, വികൃതവുമായ മുഖം ഒരിക്കല്കൂടി തെളിയിച്ചിരിക്കുകയാണെന്ന് വെൽഫെയർ പാർട്ടി ജില്ലാ സെക്രട്ടറി സാലിഹ് കൊടപ്പന പറഞ്ഞു.
വംശീയ ഉന്മൂലനത്തിനും സ്ത്രീത്വത്തെ ഹനിക്കാനും ബലാത്സംഗം രാഷ്ട്രിയ ആയുധമാക്കുന്ന നീചന്മാരാണ് സംഘ് പരിവാര് എന്ന് തെളിയിച്ചിരിക്കുകയാണെന്ന് അദേഹം പറഞ്ഞു.
വെൽഫെയർ പാർട്ടി തിരുവമ്പാടി മണ്ഡലം കമ്മറ്റി മുക്കത്ത് സംഘടിപ്പിച്ച പ്രതിഷേധ റാലി ഉദ്ഘാടനം ചെയ്ത് സംസാരിക്കുകയായിരുന്നു അദേഹം - ഫ്രെട്ടേണിറ്റി ജില്ലാ പ്രസിഡണ്ട് ഗഫൂർ മുഖ്യ പ്രഭാഷണം നടത്തി.
കാരശ്ശേരി പഞ്ചായത്ത് കമ്മറ്റി അംഗം നസീറ ഇ എൻ , ലിയാഖത്ത് മുറമ്പാത്തി, ശംസുദ്ദീൻ ആനയാം കുന്ന്, ഒ അബ്ദുൽ അസീസ് എന്നിവർ സംസാരിച്ചു. അബദുചാലിൽ, സഫീറ കൊളായിൽ , സഫിയ ടീച്ചർ, അസീസ് തോട്ടത്തിൽ, ശംസുദ്ദീൻ ചെറുവാടി, എന്നിവർ പ്രകടനത്തിന് നേതൃത്വം നൽകി.