പൗരത്വ ബിൽ ഭരണഘടനാവിരുദ്ധം - അനൂപ് വി ആർ

പെരിന്തൽമണ്ണ:  പൂപ്പലം അൽ ജാമിഅ ആർട്ട്സ് & സയൻസ് കോളജിൽ മനുഷ്യാവകാശ ദിനത്തോട് അനുബന്ധിച്ച് വിദ്യാർത്ഥി യൂണിയന്റെ നേതൃത്വത്തിൽ വിവിധ പരിപാടികൾ സംഘടിപ്പിച്ചു.

തിയേറ്റർ ക്ലബിന്റെ അഭിമുഖ്യത്തിൽ തെരുവു നാടകവും, മാഗസിൻ സമിതിയുടെ കീഴിൽ പ്രശസ്ത എഴുത്തുകാരനും, സാമൂഹിക പ്രവർത്തകനും രാജീവ് ഗാന്ധി സ്റ്റഡി സർക്കിൾ സ്റ്റേറ്റ് കേരള ഘടകം രക്ഷാധികാരിയുമായ അനൂപ് വി.ആർ മായി സംവേദന സെഷനും സംഘടിപ്പിച്ചു.

പരിപാടിയിൽ കോളജ് പ്രിൻസിപ്പൾ എ പി റിയാസ് അധ്യക്ഷത വഹിച്ചു, അധ്യാപകരായ സൽമാനുൽ ഫാരിസ്, യഹ്‌യ, യൂണിയൻ ചെയർമാൻ ഹനാനു റഹ്മാൻ എന്നിവർ സംസാരിച്ചു.

യു യു സി അഹ്‌മദ്‌ സഫ്‌വാൻ, സ്റ്റുഡന്റ് എഡിറ്റർ അഫ്‌ല, ജനറൽ സെക്രട്ടറി അക്ഷയ് ആനന്ദ് എന്നിവർ നേതൃത്വം നൽകി.