രണ്ടാം സ്വാതന്ത്ര്യ സമരത്തിന്‌ നേതൃത്വം നൽകുന്നത്‌ വിദ്യർത്ഥി സമൂഹം : എസ്.ഐ.ഒ.

മലപ്പുറം:  പൗരത്വ ഭേദഗതി നിയമത്തിനെതിരായുള്ള പോരാട്ടങ്ങൾ ഇന്ത്യയിലെ കാമ്പസുകളിൽ നിന്നാണ് ഉയർന്നുവന്നതെന്നും ഈ രണ്ടാം സ്വാതന്ത്ര്യ സമരത്തിന് നേതൃത്യം നൽകുന്നത് വിദ്യാർത്ഥി സമൂഹമാണെന്നും എസ്.ഐ.ഒ. ദേശീയ പ്രസിഡന്റ് ലബീദ് ഷാഫി.

എസ്.ഐ.ഒ. മലപ്പുറം ജില്ലാ കമ്മിറ്റി സംഘടിപ്പിച്ച നേതൃസംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ധേഹം. .പൗരത്വ നിയമത്തിനെതിരെ സമരം തുടരാനുള്ളതാണെന്നും പോലീസും മീഡിയയും തീർക്കുന്ന ചാപ്പ കുത്തലുകളും മുസ്ലിം വിരുദ്ധതയും അതിജയിച്ച്‌ മുന്നോട്ട്‌ പോവുക തന്നെ ചെയ്യുമെന്നും അദ്ദേഹം പറഞ്ഞു.

സംസ്ഥാന പോളിസി വിശദീകരണം സംസ്ഥാന സമിതിയംഗം നഈം സി.കെ.എം. അവതരിപ്പിച്ചു. ജമാഅത്തെ ഇസ്‌ലാമി ജില്ലാ പ്രസിഡന്റ് സമാപന പ്രഭാഷണം നടത്തി.

എസ്.ഐ.ഒ. ജില്ലാ പ്രസിഡന്റ് സൽമാനുൽ ഫാരിസ് അധ്യക്ഷത വഹിച്ച സംഗമത്തിൽ സെക്രട്ടറിമാരായ ഫവാസ് അമ്പാളി, വാഹിദ് ചുള്ളിപ്പാറ, വലീദ് വി.കെ, റഷാദ് വി.പി എന്നിവർ സംസാരിച്ചു.