മണ്ണാർക്കാട്: ശാസ്ത്ര പഠനം കാര്യക്ഷമമാക്കുകയെന്ന ലക്ഷ്യത്തോടെ കോട്ടോപ്പാടം കല്ലടി അബ്ദുഹാജി ഹയർ സെക്കണ്ടറി സ്കൂളിൽ നവീകരിച്ച ശാസ്ത്ര ലാബുകളും ഐ.ടി ലാബും പൂർവ്വ വിദ്യാർത്ഥിയും പ്രമുഖ ഫിസിഷ്യനുമായ ഡോ.കെ.സുരേഷ് ഉദ്ഘാടനം ചെയ്തു. പി.ടി.എ പ്രസിഡണ്ട് കെ.ബാവ അധ്യക്ഷത വഹിച്ചു.
പ്രാഥമികാരോഗ്യ കേന്ദ്രം മെഡിക്കൽ ഓഫീസർ ഡോ.കല്ലടി അബ്ദു, അധ്യാപക അവാർഡ് ജേതാവ് കെ.ഹസ്സൻ, പ്രിൻസിപ്പാൾ പി.ജയശ്രീ, പ്രധാനാധ്യാപിക എ.രമണി, ജോൺ റിച്ചാർഡ്, ബഷീർ പച്ചീരി,പി.നിർമ്മല, വി.പി.സലാഹുദ്ദീൻ, കെ.എൻ.ബലരാമൻ നമ്പൂതിരി, എം.പി.സാദിഖ്, സുധ വിനോദ് പ്രസംഗിച്ചു.