സോളാർ പദ്ധതി: ദേശബന്ധു സ്ക്കൂളിന്റേത് മാതൃകാപരം - മന്ത്രി എ സി മൊയ്തീൻ

തച്ചമ്പാറ ദേശബന്ധു ഹയർ സെക്കന്ററി സ്ക്കൂളിന്റെ സോളാർ പദ്ധതി മാതൃകാപരമെന്ന് തദേശ സ്വയം ഭരണവകുപ്പ് മന്ത്രി എ സി മൊയ്തീൻ പറഞ്ഞു. തച്ചമ്പാറ സ്ക്കൂളിൽ രക്ഷിതാക്കളുടേയും കുട്ടികളുടേയും അധ്യാപകരുടേയും സഹകരണത്തോടെ നിർമ്മിച്ച 20 കിലോ വാട്ട് വൈദ്യുതി ഉല്പാദിപ്പിക്കാനുള്ള സൊളാർ പ്ലാന്റിന്റെ പ്രവർത്തനം ഉദ്ഘാടനം ചെയ്ത് സംസാരിക്കുകയായിരുന്നു അദേഹം.

പൊതു വിദ്യാഭ്യാത്തിന്റെ ഗുണനിലവാരം ഉയർന്നതാണ്‌ വിജയശതമാനം ഉയരാൻ കാരണമെന്നും അദ്ദേഹം പറഞ്ഞു. കോങ്ങാട് എം എൽ എ കെ.വി വിജയദാസ് അധ്യക്ഷത വഹിച്ചു.തച്ചമ്പാറ പഞ്ചാ പ്രസിഡന്റ് രമണി,ദിനേശൻ, പ്രിൻസിപ്പൾ ഇ പി ജയരാജൻ, വൈസ് പ്രിൻസിപ്പാൾ ബെന്നി കെ ജോസ്,പഞ്ചായത്തംഗം എം.രാജഗോപാൽ,പി ടി എ പ്രസിഡന്റ് എം.രാമചന്ദ്രൻ , സലീം ബാച്ചി, റാണി,എ.വി. ബ്രൈറ്റി, പി.എം. ബൾക്കീസ്, എന്നിവർ പ്രസംഗിച്ചു.

പത്ത്, പന്ത്രണ്ട് ക്ലാസ്സുകളിൽ മുഴുൻ വിഷയത്തിലും എ പ്ലസ് കിട്ടിയ കുട്ടികളേയും എൻ എസ് എസ് പ്രോഗ്രാം ഓഫീസറായിരുന്ന ഇ കൃഷ്ണ പ്രസാദിനേയും ആദരിച്ചു.