പാലക്കാട്: മൂല്യാധിഷ്ഠിതമായ കലയും സാഹിത്യവും പ്രോത്സാഹിപ്പിക്കുക എന്ന ലക്ഷ്യത്തോടെ അക്ഷരം കലാ സാഹിത്യ സമിതി രൂപീകരിച്ചു. ഒലവക്കോട് നടന്ന യോഗം പത്രപ്രവർത്തകൻ രാജന് ചെറുക്കാട് ഉദ്ഘാടനം ചെയ്തു. അസീസ് മാസ്റ്റർ അധ്യക്ഷനായി.
മാസാന്ത സാഹിത്യ ചർച്ചകൾ, സംവാദങ്ങൾ, സാംസ്കാരിക ഇടപെടലുകൾ, കലാ സാഹിത്യ ശിൽപശാലകൾ,സർഗ-സാഹിത്യ മത്സരങ്ങൾ, തുടങ്ങിയ പ്രവർത്തനങ്ങൾ സംഘടിപ്പിക്കുന്നതിനും കാരുണ്യവും കലയും യോജിപ്പിച്ച് സാമുഹ്യസേവനത്തിന് പ്രാധാന്യം കൊടുക്കുകയുമാണ് കൂട്ടായ്മയുടെ ലക്ഷ്യം.
കൺവീനറായി സണ്ണിഎടൂർ, ജോ.കൺവീനറായി സമദ് കല്ലടിക്കോട് എന്നിവരെ തെരെഞ്ഞെടുത്തു. ശരത്ബാബു തച്ചമ്പാറ,തുളസി കേരളശ്ശേരി കെ.എ.അബൂബക്കർ,കെ.വിജയൻ തുടങ്ങിയവർ സംസാരിച്ചു.