'സന്ദേശ രചനകൾ' സ്വിച്ച് ഓൺ കർമം കെ.ശങ്കരനാരായണൻ നിർവഹിച്ചു

പാലക്കാട്:  അധ്യാപന ത്തോടൊപ്പം എഴുത്തിനും സേവനത്തിനുമായി ജീവിതം മാറ്റിവച്ച അസീസ് മാസ്റ്ററുടെ പൊതുജീവിതം 'സന്ദേശ രചനകൾ' എന്ന പേരിൽ ഡോക്യുമെന്ററിയാകുന്നു. ചിത്രീകരണത്തിന്റെ സ്വിച്ച്ഓൺ കർമം മഹാരാഷ്ട്ര മുൻ ഗവർണർ കെ.ശങ്കരനാരായണൻ ഒലവക്കോട്ട് നിർവഹിച്ചു.

പത്ര പ്രവർത്തന-വിദ്യാഭ്യാസ മേഖലയെ സ്പർശിക്കുന്ന ഡോക്യുമെന്ററിയുടെ രചന ഒരുക്കുന്നത് മലയാളസർവകലാശാല പ്രൊഫസർ സി.ഗണേഷ് ആണ്. സമദ് കല്ലടിക്കോട് ഡോക്യുമെന്ററിയുടെ സംവിധാനം നിര്‍വഹിക്കുന്നു.

രാഷ്ട്രീയ പൊതുജീവിതത്തിന്റെ വഴിയും കാലവും, എഴുത്തും സാമൂഹ്യ ഇടപെടലും, മൂന്നു പതിറ്റാണ്ടു കാലത്തെ അധ്യാപനം തുടങ്ങിയ കാര്യങ്ങളിലേക്ക് ശ്രദ്ധക്ഷണിക്കുന്നതാവും ഡോക്യുമെന്ററി.