മണ്ണാർക്കാട്: കൗമാരത്തെ കാർന്ന് തിന്നുന്ന ലഹരിക്കെതിരെയുള്ള ജനകീയ ബോധവൽക്കരണവുമായി എടത്തനാട്ടുകര ഗവൺമെൻറ് ഹയർ സെക്കന്ററി സ്കൂൾ വിദ്യാർത്ഥികളുടെ ശിശുദിനാഘോഷം വേറിട്ടതായി.
കേരള എക്സൈസ് ഡിപ്പാർട്ട്മെന്റിന്റെ വിമുക്തി പ്രൊജക്റ്റിന്റെ ഭാഗമായുള്ള "എൻറെ വിദ്യാലയം ലഹരി മുക്ത വിദ്യാലയം " എന്ന പദ്ധതിയുടെ ഭാഗമായി സ്കൂളിലെ സ്കൗട്ട് ആന്റ് ഗൈഡ്സ് യൂണിറ്റിനു കീഴിലാണ് ജനകീയ ബോധവൽക്കരണ സംഗമം സംഘടിപ്പിച്ചത്.
ലഹരിവിരുദ്ധ സംഗമം പി.ടി.എ പ്രസിഡണ്ട് ഒ.ഫിറോസ് ഉദ്ഘാടനം ചെയ്തു. മുഴുവൻ അംഗങ്ങ ലഹരി വിരുദ്ധ ബാഡ്ജ് ധരിച്ചു.
പ്രിൻസിപ്പാൾ വി.ടി വിനോദ്, ഹെഡ് മാസ്റ്റർ എൻ. അബ്ദുന്നാസർ, പി.ടി.എ അംഗങ്ങളായ സുബൈർ പാറോക്കോട്ട്, പൂതാനി നസീർ ബാബു, ധർമപ്രസാദ് , സക്കീർ ഹുസൈൻ . പി , ഒ.മുഹമ്മദ് അൻവർ പ്രജിത ശ്രീകുമാർ, സിദ്ദീഖ് സിഎന്നിവർ സംസാരിച്ചു.
ട്രൂപ്പ് ലീഡർ ആസിം സാനു, കമ്പനി ലീഡർ ഫാത്തിമ ഫാരിസ, പെട്രോൾ ലീഡർമാരായ ഷമീം.പി, ജയപ്രസാദ്.കെ, അർഷ .കെ, ഷഹന.കെ എന്നിവർ നേതൃത്വം നൽകി.