മണ്ണാർക്കാട്: വിദ്യാർത്ഥികളിൽ കണ്ടുവരുന്ന പഠന വൈകല്യങ്ങളെക്കുറിച്ച് ബോധവാൻമാരാകുക, അർഹതയുള്ള കുട്ടികൾക്ക് ആനുകൂല്യങ്ങൾ ലഭ്യമാക്കുക എന്നീ ലക്ഷ്യങ്ങളോടെ എടത്തനാട്ടുകര കോട്ടപ്പള്ള ഗവ. ഓറിയന്റൽ ഹൈസ്കൂളിൽ അധ്യാപകർക്കായി സംഘടിപ്പിച്ച പഠനവൈകല്യ നിർണ്ണയ
ശിൽപശാല സമാപിച്ചു.
സ്കൂൾ ഓഡിറ്റോറിയത്തിൽ നടന്ന ശിൽപശാല പ്രധാനാധ്യാപകൻ എൻ. അബ്ദുൾ നാസർ ഉൽഘാടനം ചെയ്തു. കെ.പി. യൂനസ് അധ്യക്ഷത വഹിച്ചു. പഠന വൈകല്യത്തിന്റെ കാരണങ്ങൾ, സവിശേഷതകൾ, വിഭാഗങ്ങൾ, കണ്ടെത്തുന്ന രീതികൾ, അസസ്മെന്റ് ടൂൾ എന്നിവയെക്കുറിച്ച് റിസോഴ്സ് പേഴ്സൺ പി.ദിവ്യ ക്ലാസ്സെടുത്തു.
അധ്യാപകരായ കെ.ടി.സിദ്ധീഖ്, എസ്.ആർ.ജി കൺവീനർ വിനീത തടത്തിൽ, എ.സൗമിനി എന്നിവർ പ്രസംഗിച്ചു.