കല്ലടിക്കോട്: അപ്രതീക്ഷിത ദുരന്തത്തിൽ തളരാതെ ജീവിത പരീക്ഷണത്തെ അഭിമുഖീ കരിച്ച വീൽച്ചെയർ മോട്ടിവേഷൻ സ്പീക്കർ ഗണേഷ് കൈലാസ് കുടുംബിനികൾക്ക് നൽകിയപ്രചോദന ക്ലാസ് ശ്രദ്ധേയമായി.
വാഹനാപകടത്തിൽ അരയ്ക്കുതാഴെ ചലനമറ്റെങ്കിലും അതിൽ തളരാത്ത മനസ്സുമായാണ് ഗണേഷ് വാക്കുകളിലൂടെ പ്രചോദിപ്പിക്കാനായി, കല്ലടിക്കോട് എ .യു.പി സ്കൂളിലെത്തിയത്. പ്രതിസന്ധികളെയും പ്രശ്നങ്ങളെയും എങ്ങനെ നേരിടാമെന്ന് സ്വന്തം അനുഭവത്തിലൂടെ ഓർമിപ്പിക്കുമ്പോൾ അത് വിദ്യാർത്ഥികൾക്കും മുതിർന്നവർക്കും ഏറെ സ്വീകാര്യമാവുന്നു.
ക്ലാസ് കേൾക്കാനെത്തിയവർ പാരന്റിങ് സംബന്ധിച്ച് ചോദിച്ചറിഞ്ഞു. ഗ്രാമപഞ്ചായത്ത് അംഗം ബീനചന്ദ്രകുമാർ ഉദ്ഘാടനം ചെയ്തു. പിടിഎ പ്രസിഡന്റ് പി.കെ ആബിദ അധ്യക്ഷയായി. പ്രധാനധ്യാപകൻ സി.എസ്.സാബു, സീനിയർ അസിസ്റ്റന്റ് പി.ശോഭന, എം.പി.ടി.എ പ്രസിഡന്റ് പ്രജിത തുടങ്ങിയവർ പ്രസംഗിച്ചു