പൗരത്വ ഭേദഗതി ബിൽ: നാളത്തെ ഹർത്താൽ വിജയിപ്പിക്കും: സംയുക്ത സമിതി

പാലക്കാട്:  പൗരത്വ ഭേദഗതി ബിൽ പിൻവലിക്കണമെന്നും എൻ.ആർ.സി ഉപേക്ഷിക്കണമെന്നും ആവശ്യപ്പെട്ട് ഡിസംബർ 17 ചൊവ്വാഴ്ച രാവിലെ 6 മുതൽ വൈകിട്ട് 6 വരെ നടക്കുന്ന ഹർത്താൽ വിജയിപ്പിക്കാൻ പാലക്കാട് തൃപ്തി ഹാളിൽ ചേർന്ന വിവിധ രാഷ്ട്രീയ സാമൂഹിക പ്രസ്ഥാനങ്ങളുടെയും മനുഷ്യാവകാശ പ്രവർത്തകരുടെയും സംയുക്ത യോഗം തീരുമാനിച്ചു.

ഫാഷിസ്റ്റ് സമഗ്രാധിപത്യത്തിനെതിരെയുളള ജനാധിപത്യ പ്രതിഷേധത്തിൽ പങ്കാളികളായി ഹർത്താൽ വൻ വിജയമാക്കണമെന്ന് യോഗം ആവശ്യപ്പെട്ടു. വെൽഫെയർ പാർട്ടി ജില്ലാ ജനറൽ സെക്രട്ടറി എം.സുലൈമാൻ അധ്യക്ഷത വഹിച്ചു. എസ്.ഡി.പി.ഐ ജില്ലാ പ്രസിഡണ്ട് അമീർ അലി ആമുഖ പ്രഭാഷണം നടത്തി.

എം.എൻ രാവുണ്ണി (പോരാട്ടം) സുബ്രമണ്യൻ (ബി.എസ്.പി ) പി.ലുഖ്മാൻ (എഫ്.ഐ.ടി.യു) ഖലീൽ ഒ.എച്ച് (എസ്.ഡി.ടി.യു) റഷാദ് പുതുനഗരം ( ഫ്രറ്റേണിറ്റി ) ലുഖ്‌മാൻ ആലത്തൂർ (സോളിഡാരിറ്റി) റഫീഖ് പുതുപള്ളി തെരുവ് (എസ്.ഐ.ഒ) ഹരി, മുജീബ് റഹ്മാൻ,

വി.പി.നിജാമുദ്ദീൻ, പ്രദീപ് നെന്മാറ, കാർത്തികേയൻ റെയ്മണ്ട് ആന്റണി സഹീർ ബാബു തുടങ്ങി വിവിധ സാമൂഹ്യ-മനുഷ്യാവകാശ രംഗത്തെ പ്രമുഖർ പങ്കെടുത്തു.