'തൊഴിൽ സുരക്ഷ: ജന സുരക്ഷ' - ജനമൈത്രി പോലീസ് തൊഴിലാളികളുമായി മുഖാമുഖം നടത്തി

പാലക്കാട്:  ജനമൈത്രി പോലീസ്, സംയുക്ത തൊഴിലാളികളുടെ ആഭിമുഖ്യത്തില്‍ കല്ലടിക്കോട് ചുങ്കം വ്യാപാര ഭവൻഹാളില്‍ തൊഴിൽ സുരക്ഷ, ജന സുരക്ഷ എന്ന വിഷയത്തിൽ മുഖാമുഖം നടത്തി. ജനമൈത്രി ബീറ്റ് ഓഫീസർമാരായ പുഷ്പദാസ്, ബിബീഷ് എന്നിവർ ക്ലാസെടുത്തു.

ജനമൈത്രി സുരക്ഷ സമിതി പ്രസിഡന്റ് സമദ് അധ്യക്ഷനായി. പോലീസിന്റെ പ്രവര്‍ത്തനം ജനകീയമാക്കാന്‍  പല  പദ്ധതികളും പരിഷ്‌കാരങ്ങളും കൊണ്ടുവരുന്നത് ജനക്ഷേമം എന്ന ലക്ഷ്യം കൈവരിക്കാനാണ്. അതിനാൽ നിയമപാലകരെക്കുറിച്ച് അനാവശ്യമായ ഭയം ആവശ്യമില്ല.

ജോലിചെയ്യാനുള്ള അവകാശം, ബാലവേല തടയൽ, സോഷ്യൽ മീഡിയയും കുട്ടികളും, ട്രേഡ് യൂണിയനിൽ ചേരാനും സംഘടിക്കാനുമുള്ള അവകാശം, തൊഴിലാളികളും ജനമൈത്രി പോലീസും, തൊഴിൽ-സാമൂഹ്യ സുരക്ഷിതത്വം തുടങ്ങിയ വിഷയങ്ങളിൽ ചർച്ച നടന്നു.  തൊഴിലാളികളുടെ പ്രതിനിധികളായി അനിൽകുമാർ, വിനോദ് എന്നിവർ പ്രസംഗിച്ചു.