കല്ലടിക്കോട്: കുട്ടികളുടെ സ്വതന്ത്രമായ സർഗാത്മകതയും ആസ്വാദനവും പാട്ടും കൗതുകവും അനുഭവിച്ചറിയാനുള്ള ഗ്രാമീണ വേദിയായിരുന്നു കല്ലടിക്കോട് ജി എം എൽ പി സ്കൂൾ ചെറുള്ളി ഐരാനിയിൽ നടത്തിയ പഠനോത്സവം.
കുട്ടികളുടെ കഴിവുകൾ അടച്ച് സൂക്ഷിക്കാനുള്ളതല്ലെന്നും അവ അറിവിന്റെ തിളക്കം സൃഷ്ടിക്കാന് ഉതകുന്ന തരത്തില് ഗ്രാമീണ തലത്തിൽ സഞ്ചരിച്ച് കൊണ്ടിരിക്കേണ്ടവയാണെന്നും പഠനോത്സവത്തിൽ സംസാരിച്ചവർ പറഞ്ഞു.
ഗ്രാമ പഞ്ചായത്ത് പ്രസിഡന്റ് സി.കെ.ജയശ്രീ, ബി ആർ സി കോഡിനേറ്റർ അലിമാസ്റ്റർ,വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ ജയലക്ഷ്മി, പ്രധാനധ്യാപിക പത്മിനി ടീച്ചർ, പി ടി എ പ്രസിഡന്റ് എം എ ഇസ്മായിൽ, സ്കൂൾ ലീഡർ സഫ ഫാത്തിമ, എസ് എം സി ചെയർമാൻ സുനീറ തുടങ്ങിയവർ പ്രസംഗിച്ചു. വിദ്യാർത്ഥി പ്രതിനിധി ഹിദ ഫാത്തിമ സ്വാഗതവും ജസ്ന ഹിബ നന്ദിയും പറഞ്ഞു.