കരിമ്പ: ഭിന്നശേഷി കുറ്റമോ കുറവോ അല്ല, വിഷമതകൾ ഉള്ളപ്പോഴും വിഭിന്നമായ കഴിവുകൾ അവർക്കുണ്ട്. ശാരീരിക പരിമിതികൾ നേരിടുന്നവരെ സമൂഹത്തിന്റെ മുഖ്യധാരയിലേക്ക് കൊണ്ടുവരണമെന്ന് 'കൂടെ 2018' ഭിന്നശേഷി ദിനാചരണത്തിൽ സംസാരിച്ചവർ അഭിപ്രായപ്പെട്ടു.
കരിമ്പപഞ്ചായത്തും സാമൂഹ്യനീതി വകുപ്പും ചേർ ന്നാണ് കരിമ്പ ഗവ.യു.പി.സ്കൂളിൽ ഭിന്നശേഷിദിനം സംഘടിപ്പിച്ചത് . കോങാട്.എം.എൽ.എ. വിജയദാസ് ഉദ്ഘാടനം നിർവ്വഹിച്ചു. കരിമ്പ പഞ്ചായത്ത് പ്രസിഡന്റ് ജയശ്രീ അദ്ധ്യക്ഷത വഹിച്ചു.
ശാരീരികവും മാനസികവുമായ പരിമിതികൾ സർഗശേഷിക്കു തടസ്സമല്ലെന്നു തെളിയിക്കുന്ന വിധമാണ് കുട്ടികൾ വിവിധ കലാകായിക പരിപാടികൾ നടത്തിയത്.
വൈസ് പ്രസിഡന്റ് തങ്കച്ചൻ,ബ്ലോക്ക് മെമ്പർ ശാന്തകുമാരി, ജിമ്മിമാത്യു,പ്രിയ,മണികണ്ഠൻ കോട്ടപ്പുറം,സുമലത,മണികണ്ഠൻ.കെ.പി,ഐ.സി ഡി .എസ്ഓഫീസർ .വിജയലക്ഷ്മി ,എൽസമ്മ ടീച്ചർ, തുടങിയവർ പങ്കെടുത്തു സംസാരിച്ചു. പങ്കെടുത്ത എല്ലാവർക്കും സമ്മാനങ്ങൾ നൽകി.