തച്ചമ്പാറ പഞ്ചായത്തിലെ പൊന്നംകോട് - ശിരുവാണി കനാൽറോഡ് നാടിനു സമർപ്പിച്ചു

ചന്ദനംകുണ്ട്, വട്ടക്കുണ്ട് നിവാസികളുടെ യാത്ര ക്ലേശത്തിനു പരിഹാരമായി, കോങ്ങാട്എംഎൽഎയുടെ പ്രാദേശിക വികസന ഫണ്ടിൽനിന്ന് 25 ലക്ഷം രൂപ ചെലവഴിച്ചു നിർമാണം പൂർത്തീകരിച്ച പൊന്നംകോട് -ഇടക്കുറുശ്ശി കനാൽ റോഡ് കെ.വി.വിജയദാസ് എംഎൽഎ ഉദ്ഘാടനം ചെയ്തു.

വികസന പ്രവർത്തനങ്ങൾ മുടന്തി നിന്ന ഘട്ടത്തിൽ എല്ലാ മേഖലയിലും സമഗ്ര വികസനം കൊണ്ടുവരാൻ ഇടതുപക്ഷ സർക്കാരിനു കഴിഞ്ഞതായി എംഎൽഎ പറഞ്ഞു. തുറന്ന ജീപ്പിൽ ആനയിച്ച് ഉത്സവാന്തരീക്ഷത്തിലാണ് ഉദ്ഘാടന ചടങ്ങും പൊതുയോഗവും നടന്നത്.

പഞ്ചായത്ത് മെമ്പർ എം.രാജഗോപാലൻ അധ്യക്ഷനായി. സിപിഐ.എം ഏരിയകമ്മിറ്റി അംഗം കെ.കെ.നാരായണൻ മാസ്റ്റർ,ഒ.നാരായണൻകുട്ടി,പിപി അലി മാസ്റ്റർ,നൗഷാദ്, അസിസ്റ്റന്റ് എൻജിനീയർ രാജൻ തുടങ്ങിയവർ ഉദ്ഘാടന പൊതുയോഗത്തിൽ പങ്കെടുത്തു