ശിശുദിനത്തിൽ കുട്ടികളുടെ സ്നേഹോപഹാരം: കരിമ്പ ഗവ.യു.പി.സ്‌കൂൾ വീഡിയോ ആൽബം 'ഉൾക്കണ്ണുവിടരുവാൻ'

കല്ലടിക്കോട്:  കവി എടപ്പാൾ സുബ്രമണ്യൻ രചിച്ച എസ് സി ഇ ആർ ടി പ്രിപ്രൈമറി പ്രവർത്തന പുസ്തക ത്തിലെ"ഉൾക്കണ്ണു വിടരുവാൻ " പ്രാർത്ഥന ഗീതംവീഡിയോ ആൽബം, എം.എൽ.എ കെ.വി.വിജയദാസ് പി.ടി.എ പ്രസിഡന്റ് എ.എസ്.ജാഫർ അലിക്കു നൽകി പ്രകാശനം ചെയ്തു.

പഞ്ചായത്ത് പ്രസിഡന്റ് സി.കെ.ജയശ്രീ അധ്യക്ഷയായി. മാധ്യമ പ്രവർത്തകൻ സമദ് കല്ലടിക്കോടിന്റെ സഹായത്തോടെ കുട്ടികൾ പുറത്തിറക്കിയ ആൽബം 'പെയ്തൊഴിയാതെ'ഫേസ്ബുക്ക് ടീമാണ് പ്രേക്ഷകരിലെത്തിക്കുന്നത്.

റിലീസ് ചെയ്ത് മണിക്കൂറുകൾക്കകം ആയിരത്തോളം പേർ ഷെയർ ചെയ്ത ആൽബം സമൂഹ മാധ്യമങ്ങളിലും തരംഗമായി. വാർഡ്മെമ്പർ ഹസീനറഫീഖ്,സീനിയർ അസിസ്റ്റന്റ് മുഹമ്മദലി ചാലിയാൻ, പി.വി.അബ്ദുറഹ്മാൻമാസ്റ്റർ,എം പി ടി എ പ്രസിഡന്റ് ഉമൈബാൻ,വി.പി.മുഹമ്മദ് സലീം,മോഹൻദാസ് തുടങ്ങിയവർ പ്രസംഗിച്ചു.

https://m.facebook.com/story.php?story_fbid=763543267331822&id=484335625252589

സ്‌കൂൾ പ്രധാനധ്യാപിക എം.എ. എൽസമ്മ സ്വാഗതവും സ്റ്റാഫ് സെക്രട്ടറി പി.സംഗീത നന്ദിയും പറഞ്ഞു. സ്‌കൂളിന്റെ ഇന്നത്തെ പുരോഗതി ചിത്രീകരിച്ച 'ആദ്യ വിദ്യാലയം'ഡോക്യൂമെന്ററിയും വേദിയിൽ പ്രദർശിപ്പിച്ചു.