യുവകലാ സാഹിതി പാലക്കാട്‌ ജില്ലാ പ്രവർത്തക കൺവെൻഷൻ കാഞ്ഞിരപ്പുഴയിൽ നടന്നു

കാഞ്ഞിരപ്പുഴ:  നവോത്‌ഥാന മൂല്യങ്ങളെ കലാ സാഹിത്യ പ്രവർത്തനത്തിലൂടെ സജീവമാക്കുന്നതിന് യുവകലാ സാഹിതി പാലക്കാട്‌ ജില്ലാ പ്രവർത്തക കൺവെൻഷൻ കാഞ്ഞിരപ്പുഴ ഗ്രാമപഞ്ചായത്ത് ഹാളിൽ ചേർന്നു. യുവ കലാ സാഹിതി ജനറൽ സെക്രട്ടറി ഇ എം സതീശൻ കൺവെൻഷൻ ഉത്ഘാടനം ചെയ്തു.

കല ഒരു വരേണ്യ വർഗ്ഗത്തിൽനിന്നും വിമോചിപ്പിച് ജനകീയമാക്കിയത് പുരോഗമന പ്രസ്ഥാനങ്ങളുടെ ശക്തമായ ഇടപെടൽ മൂലമാണെന്നും പോരാട്ടങ്ങളുടെ സംഘടിത ചരിതമാണ് കേരളീയ സമൂഹത്തിന്റേതെന്നും ഇ.എം.സതീശൻ ഓർമിപ്പിച്ചു.

സംസ്ഥാന ട്രഷറർ ടി.യു.ജോൺസൺ അധ്യക്ഷനായി. സെക്രട്ടറി എം.സി.ഗംഗാധരൻ, ജോസ്‌ബേബി, സി.വി.പൗലോസ്, ബിജു സുരേന്ദ്രൻ, മണികണ്ഠൻ പൊറ്റശ്ശേരി റഷീദ് കുമരംപുത്തൂർ തുടങ്ങിയവർ പ്രസംഗിച്ചു.