എലപ്പുള്ളിയിൽ സംസ്ഥാന സർക്കാർ അനുവദിച്ച മദ്യ ഉല്പാദന കേന്ദ്രത്തിനുള്ള അനുമതി റദ്ധാക്കണമെന്ന് : യുവമോർച്ച

പാലക്കാട്:  കുടിവെള്ളത്തെക്കാൾ വലുതല്ല മദ്യം എന്ന മുദ്രാവാക്യം ഉയർത്തിപ്പിടിച്ച് പ്രതിഷേധ കൂട്ടായ്മ യുവമോർച്ചയുടെ ആഭിമുഖ്യത്തിൽ പാറ എലപ്പുള്ളിയിൽ സംഘടിപ്പിച്ചു.

എലപ്പുള്ളിയിൽ സംസ്ഥാന സർക്കാർ അനുവദിച്ച മദ്യ ഉല്പാദന കേന്ദ്രത്തിനുള്ള അനുമതി റദ്ധാക്കണമെന്ന് ആവശ്യപ്പെട്ടുകൊണ്ടാണ് പ്രതിഷേധ കൂട്ടായ്മ സംഘടിപ്പിച്ചത്. ബിജെപി സംസ്ഥാന സെക്രട്ടറി സി.കൃഷ്ണകുമാർ പരിപാടി ഉദ്‌ഘാടനം ചെയ്തു. യുവമോർച്ച മലമ്പുഴ മണ്ഡലം പ്രസിഡണ്ട് അജയ്.കെ.കെ അദ്ധ്യക്ഷത വഹിച്ചു.

പരിപാടിയിൽ ബിജെപി ജില്ലാ സെക്രട്ടറി പി.രാജീവ്‌ മാസ്റ്റർ, യുവമോർച്ച സംസ്ഥാന സമിതി അംഗം എ.കെ.ദിനോയ്, യുവമോർച്ച ജില്ലാ ജനറൽ സെക്രട്ടറി കെ.മണികണ്ഠൻ, ജില്ലാ കമ്മിറ്റി അംഗം സ്റ്റൈൽസൺ , യുവമോർച്ച ജില്ലാ അധ്യക്ഷൻ ഇ.പി.നന്ദകുമാർ, യുവമോർച്ച മണ്ഡലം സെക്രട്ടറി ദീപക്,യുവമോർച്ച ജില്ലാ സെക്രട്ടറി എ.ബിദിൻ, ബിജെപി മണ്ഡലംപ്രസിഡണ്ട് എൻ.ഷണ്മുഖൻ , ജനറൽ സെക്രട്ടറി പി.ബി.പ്രതാപൻ, മണ്ഡലം ഭാരവാഹികളായ ഹരിദാസ്, കെ.സി.സുരേഷ്, സന്തോഷ്, കൃഷ്ണദാസ്, ശിവദാസ്, സുഭാഷ് തുടങ്ങിയവർ പ്രസംഗിച്ചു.