വാഷിംഗ്ടൺ : ഡോണൾഡ് ട്രംപിന്റെ രണ്ടാമത്തെ കോവിഡ് 19 പരിശോധനാ ഫലം പുറത്ത്. പ്രസിഡന്റിന്റെ സ്രവ പരിശോധനാഫലം നെഗറ്റീവാണെന്ന് വൈറ്റ് ഹൗസ് ഡോക്ടർ സീൻ കോൺലി അറിയിച്ചു. അദ്ദേഹത്തിന് രോഗലക്ഷണങ്ങളൊന്നും ഇല്ലെന്നും ആരോഗ്യവാനാണെന്നും കോൺലി പറഞ്ഞു.
വൈറസ് ബാധ രൂക്ഷമായി വ്യാപിച്ച അമേരിക്കയിൽ പ്രതിരോധ നടപടികള് ശക്തമാക്കിയിട്ടുണ്ട്. രാജ്യത്തെ നഴ്സിംഗ് ഹോമുകൾക്കായി പ്രസിഡന്റ് ഡോണള്ഡ് ട്രംപ് പുതിയ മാര്ഗനിര്ദേശങ്ങള് പുറത്തിറക്കി. രാജ്യത്തെ 140 നഴ്സിംഗ് ഹോമുകളുടെ പരിധിയിലും രോഗം സ്ഥിരീകരിച്ച സാഹചര്യത്തിലാണ് നടപടി.
ന്യൂയോര്ക്ക് ഉള്പ്പെടെ രോഗംപടരുന്ന മേഖലകളില് ഒരാള്പോലും മാസ്ക് ധരിക്കാതെ പുറത്തിറങ്ങരുതെന്ന് കര്ശന നിര്ദേശവും പുറപ്പെടുവിച്ചിട്ടുണ്ട്. അമേരിക്കയിൽ ഇതുവരെ 242,182 പേരിൽ വൈറസ് ബാധ സ്ഥിരീകരിച്ചിട്ടുണ്ട്. 5,911 പേർ മരണപെട്ടു. 9,001 പേർ സുഖം പ്രാപിച്ചു.