ഖൊരക്പൂര്: ഉത്തര്പ്രദേശിലെ ഡോ. കഫീല് ഖാന്റെ സഹോദരന് ഖാഷിഫ് ജമാലിന് ദുരൂഹസാഹചര്യത്തില് വെടിയേറ്റു. ഖൊരക്പൂരില് ഞായറാഴ്ച്ച രാത്രിയോടെയുണ്ടായ ആക്രമണത്തില് കൈക്കും, കഴുത്തിനും, താടിക്കും പരിക്കേറ്റു. ഖൊരക്പൂരിലെ സിറ്റി ആശുപത്രിയില് ചികിത്സയിലാണ് ഖാഷിഫ് ഇപ്പോള്.
അവര് തങ്ങളെ കൊല്ലാന് എപ്പോഴും ശ്രമിച്ചുകൊണ്ടിരിക്കുകയാണ് എന്നാണ് സംഭവത്തില് ഡോ. കഫീല് ഖാന് പ്രതികരിച്ചത്. ബൈക്കിലെത്തിയ രണ്ട് പേരാണ് വെടിയുതിര്ത്തത് എന്ന് വാര്ത്താ ഏജന്സിയായ എഎന്ഐ റിപ്പോര്ട്ടു ചെയ്തു. സംഭവത്തില് പൊലിസ് അന്വേഷണം നടക്കുകയാണ്.