ലഹരി വസ്തുക്കളുമായ് സിനിമ സീരിയല്‍ നടി അറസ്റ്റില്‍

കൊച്ചി: ലഹരി മരുന്നുമായ് സിനിമ സീരിയല്‍ നടി പിടിയില്‍. കൊച്ചിയില്‍ വച്ചാണ് നടി അശ്വതി ബാബു പോലീസിന്റെ പിടിയിലായത്. നടിയെ ഫ്ലാറ്റില്‍ എത്തിയാണ് പോലീസ് അറസ്റ്റ് ചെയ്തത്.

തൃക്കാക്കരയിലെ ഇവരുടെ ഫ്ളാറ്റില്‍നിന്ന് എംഡിഎംഎ എന്ന മാരക ലഹരി വസ്തുവാണ് പിടിച്ചെടുത്തിരിക്കുന്നത്. താരം ബംഗളുരുവില്‍നിന്നാണ് കേരളത്തിലേക്ക് ലഹരിമരുന്നെത്തിച്ചതെന്നാണു പോലീസിന് ലഭിച്ച സൂചന. തിരുവനന്തപുരം സ്വദേശിനിയാണ് അശ്വതി. നടിയുടെ ഡ്രൈവര്‍ ബിനോയിയെയും തൃക്കാക്കര പോലീസ് അറസ്റ്റ് ചെയ്തിട്ടുണ്ട്.