ദുംക: ഭര്ത്താവിനെ മരത്തില് കെട്ടിയിട്ട് ആദിവാസി യുവതിയെ കൂട്ടബലാത്സംഗം ചെയ്തു. ജാര്ഖണ്ഡിലെ ദുംക ജില്ലയിലാണു സംഭവം. ഗ്രാമത്തലവന് ഉള്പ്പെടെയുള്ളവര് ചേര്ന്നാണു യുവതിയെ പീഡിപ്പിച്ചത്.
തിങ്കളാഴ്ച ഭര്ത്താവിനൊപ്പം ചന്തയില്നിന്നു വീട്ടിലേക്കു മടങ്ങവെ, ജിര്ക്ക വനമേഖലയില്വച്ച് അക്രമിസംഘം വഴിയില് തടഞ്ഞശേഷം കാട്ടിലേക്കു വലിച്ചുകൊണ്ടുപോയി ബലാത്സംഗം ചെയ്യുകയായിരുന്നുവെന്നാണു യുവതിയുടെ പരാതിയില് പറയുന്നത്. പ്രതികളായ മൂന്നു പേരും മാറിമാറി പീഡിപ്പിച്ചു. ഈ സമയത്തു ഭര്ത്താവിനെ തുണി ഉപയോഗിച്ചു മരത്തില് കെട്ടിയിട്ടതായും പരാതിയില് ആരോപിക്കുന്നു.
ചൊവ്വാഴ്ചയാണ് യുവതി പരാതിയുമായി പോലീസിനെ സമീപിച്ചത്. തുടര്ന്ന് പോലീസ് അന്വേഷണം നടത്തി ഗ്രാമത്തലവന് ദുര്ഗ ദെഹ്രി, സോനു ദെഹ്രി, ദേവേന്ദ്ര ദെഹ്രി എന്നിവരെ അറസ്റ്റ് ചെയ്തു. ബലാത്സംഗത്തിനിരയായ യുവതിയും പ്രതികളും പഹാരിയ ഗോത്ര സമുദായത്തില്പ്പെട്ടവരാണ്.