ന്യൂഡല്ഹി: തെരഞ്ഞെടുപ്പു പ്രചാരണത്തിനിടെ വിദ്വേഷ പ്രസംഗം നടത്തിയ കേന്ദ്ര ധനകാര്യ സഹമന്ത്രി അനുരാഗ് സിംഗ് താക്കൂറിന് തെരഞ്ഞെടുപ്പു കമ്മീഷന് നോട്ടീസ് നല്കി. കഴിഞ്ഞ ദിവസം തെരഞ്ഞെടുപ്പു പ്രചാരണത്തിനിടെ വെടിവച്ചു കൊല്ലണമെന്ന മുദ്രാവാക്യം വിളിച്ചു കൊടുത്തതിനെതിരേയാണു നടപടി.
രാജ്യത്തെ ഒറ്റുകൊടുക്കുന്നവരെ കണ്ടാല് വെടിവെയ്ക്കു എന്നായിരുന്നു അനുരാഗ് സിംഗ് താക്കൂറിന്റെ ആഹ്വാനം. വെടിവയ്ക്കാന് ആഹ്വാനം ചെയ്ത അദ്ദേഹം പ്രവര്ത്തകരെ കൊണ്ട് മുദ്രാവാക്യം ഏറ്റുവിളിപ്പിക്കുകയും ചെയ്തു. ഇതിന്റെ വീഡിയോ സാമൂഹിക മാധ്യമങ്ങളില് പ്രചരിക്കുന്നുണ്ട്. സംഭവത്തില് ഡല്ഹിയിലെ മുഖ്യ തെരഞ്ഞെടുപ്പ് ഓഫീസര് തെരഞ്ഞെടുപ്പു കമ്മീഷനു റിപ്പോര്ട്ട് നല്കിയിട്ടുണ്ട്.
ബിജെപി എംപി പര്വേഷ് ശര്മയോടും കമ്മീഷന് വിശദീകരണം തേടി. പൗരത്വ ഭേദഗതി നിമയത്തിനെതിരേ സമരത്തിനായി ഡല്ഹിയിലെ ഷഹീന്ബാഗിലേക്ക് വരുന്നവര്, വീടുകളില് കടന്നു കയറി അമ്മമാരെയും സഹോദരിമാരെയും പെണ്മക്കളെയും മാനഭംഗപ്പെടുത്തുമെന്നാണ് ബിജെപി എംപി പവന് വര്മ പറഞ്ഞത്.