ന്യൂഡല്ഹി: വടക്കു കിഴക്കന് ഡല്ഹിയില് സംഘര്ഷം റിപ്പോര്ട്ട് ചെയ്ത മാധ്യമപ്രവര്ത്തകരെ ആക്രമിച്ച സംഭവത്തെ അപലപിച്ച് എഡിറ്റേഴ്സ് ഗില്ഡ് ഓഫ് ഇന്ത്യ.
അതിക്രമം മാധ്യമ സ്വാതന്ത്ര്യത്തിന് നേരെയുള്ള കൈയേറ്റമാണെന്നും അക്രമം റിപ്പോര്ട്ട് ചെയ്യപ്പെടാതിരിക്കാനാണ് മാധ്യമങ്ങളെ കൈയേറ്റം ചെയ്യുന്നതെന്നും എഡിറ്റേഴ്സ് ഗില്ഡ് പ്രസ്താവനയില് വ്യക്തമാക്കി.
കുറ്റക്കാര്ക്കെതിരേ കര്ശന നടപടി എടുക്കണമെന്നും ആവശ്യപ്പെട്ടു. കലാപം റിപ്പോര്ട്ട് ചെയ്യുന്നതിനിടെ ജെകെ 24 റിപ്പോര്ട്ടര്ക്ക് വെടിയേറ്റിരുന്നു. എന്ഡിടിവിയുടെ മൂന്നു റിപ്പോര്ട്ടര്മാര്, കാമറാമാന് എന്നിവരെയും ആയുധധാരികളായ കലാപകാരികള് ആക്രമിച്ചു.