ഈദ് അൽ അദ ആഘോഷവുമായി ബന്ധപ്പെട്ട് ദുബായിൽ നിന്ന് 430 തടവുകാരെ മോചിപ്പിക്കുന്നു

ദുബായ്: ഈദ് അൽ അദ ആഘോഷവുമായി ബന്ധപ്പെട്ട് ദുബായിൽ നിന്ന് 430 തടവുകാരെ മോചിപ്പിക്കുന്നു. യുഎഇ വൈസ് പ്രസിഡന്റും, പ്രധാനമന്ത്രിയും, ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം ഇത് സംബന്ധിച്ച ഉത്തരവ് കൈമാറി.

ഇങ്ങനെ മോചിതരാകുന്ന തടവുകാർക്ക് ഒരു പുതിയ ജീവിതം കെട്ടിപ്പടുക്കാനും, തങ്ങളുടെ കുടുംബങ്ങളുടെ ദുരിതങ്ങൾ പരിഹരിക്കാനുമാണ് പൊതുമാപ്പ് ലക്ഷ്യമിടുന്നതെന്ന് ദുബായ് മീഡിയ ഓഫീസ് പുറത്തിറക്കിയ പ്രസ്താവനയിൽ പറയുന്നു.