ലോക്‌സഭാ തെരഞ്ഞെടുപ്പില്‍ കോണ്‍ഗ്രസിനെ തുണച്ചത് കേരളവും പഞ്ചാബും മാത്രം

തിരുവനന്തപുരം: ലോക്‌സഭാ തെരഞ്ഞെടുപ്പില്‍ കോണ്‍ഗ്രസിനെ തുണച്ചത് കേരളവും പഞ്ചാബും മാത്രം. കേരളത്തില്‍ 20ല്‍ 18 സീറ്റുകളിലും കോണ്‍ഗ്രസാണ് മുന്നിട്ടു നില്‍ക്കുന്നത്. ആലപ്പുഴയും കാസര്‍കോടും മാത്രമാണ് നേരിയ ലീഡിലെങ്കിലും എല്‍.ഡി.എഫ് മുന്നിട്ടു നില്‍ക്കുന്നത്.

പഞ്ചാബില്‍ ആറ് സീറ്റുകളിലാണ് കോണ്‍ഗ്രസ് മുന്നിട്ടു നില്‍ക്കുന്നത്. ഇവിടെ കഴിഞ്ഞ തവണ രണ്ടു സീറ്റുകള്‍ മാത്രമായിരുന്നു കോണ്‍ഗ്രസിനു ലഭിച്ചത്.

104 സീറ്റുകളിലാണ് കോണ്‍ഗ്രസ് നേതൃത്വം നല്‍കുന്ന യു.പി.എ മുന്നിട്ടു നില്‍ക്കുന്നത്. അതേസമയം ബി.ജെ.പി നേതൃത്വത്തിലുള്ള എന്‍.ഡി.എ വന്‍മുന്നേറ്റമാണ് കാഴ്ചവെച്ചത്. 340 സീറ്റുകളിലാണ് എന്‍.ഡി.എ മുന്നിട്ടു നില്‍ക്കുന്നത്.