മത്സരചൂടിൽ ബിഗ് ബോസ് ; ഇവിടെ ജയിക്കാൻ ടാലാന്റ് വേണമെന്ന് റിയാസ്

തിരുവനന്തപുരം : ബിഗ് ബോസ് മലയാളം സീസൺ 4 ഇനി നിർണായകമായ നിമിഷങ്ങളാണ് സാക്ഷ്യം വഹിക്കുക. ബിഗ് ബോസ് ഗ്രാൻഫിനാലയിലേക്ക് എത്തിയിരിക്കുന്നത്  നിലവിൽ ആറ് മത്സരാർത്ഥികളായ സൂരജ്, ധന്യ, ലക്ഷ്മിപ്രിയ, റിയാസ്, ദിൽഷ, ബ്ലെസ്‌ലി എന്നിവരാണ് ഗ്രാൻഡ് ഫിനാലെയിലേക്ക് എത്തിയിരിക്കുന്നത്. ഒരാഴ്ച കൂടി കഴി‍ഞ്ഞാൽ ആരായിരിക്കും വിജയി എന്ന് പ്രേക്ഷകർക്ക് അറിയാം. മോണിംഗ് ടാസ്കോടെ ആരംഭിച്ച 93-ാമത്തെ എപ്പിസോഡിൽ ഡിബേറ്റ് ആയിരുന്നു ഹൈലൈറ്റ്. ബ്ലെസ്‌ലിയും റിയാസും തമ്മിൽ ആയിരുന്നു ഡിബേറ്റ്. റിയാസ് ആണ് കാര്യങ്ങൾ വ്യക്തമായി പറഞ്ഞത്.

നിങ്ങൾ കള്ളം പറയുമോ? മോഷ്ടിക്കുമോ? റിയൽ അല്ലേ എന്നൊക്കെ ബ്ലെസ്‌ലി റിയാസിനോട് ചോദിക്കുന്നുണ്ട്.  രണ്ട് പേര് പുറത്തുപോയതിൽ നിങ്ങൾക്ക് ബുദ്ധിമുട്ട് തോന്നുന്നുണ്ടോയെന്നും ബ്ലെസ്‌ലി ചോദിക്കുന്നുണ്ട്. ഇതിന് പിന്നാലെ ഇല്ല, പക്ഷേ തനിക്ക് വിഷമം ഉണ്ടെന്ന് റിയാസ് പറഞ്ഞു. എന്നാൽ ബ്ലസ്‌ലിയുടെ ചോദ്യങ്ങളിൽ പെട്ടന്ന് പ്രകോപിതനാവുകയും ചെയ്യുന്നുണ്ട് റിയാസ്.  എനിക്കറിയാം എങ്ങനെയാണ് ചെയ്യേണ്ടതെന്ന് നീയാണ് കള്ളൻ. നീയാണ് ഫെയ്ക്ക്, നീ ആണ് യോഗ, മെഡിറ്റേഷൻ എന്നൊക്കെ പറഞ്ഞ് പ്രേക്ഷകരെ കൈയ്യിലെടുത്തത്. പാവമായിരുന്നാൽ ഇവിടെ ഒരിക്കലും ജയിക്കാൻ പറ്റില്ല. ഇവിടെ ടാലന്റ് വേണമെന്നും റിയാസ് പറഞ്ഞു.

ഫിസിക്കൽ ടാസ്കിൽ നിങ്ങൾ ജയിച്ചിട്ടുണ്ടോയെന്ന് ബ്ലെസ്‌ലി വീണ്ടും റിയാസിനോട്. ജയിച്ചിട്ടുണ്ട്, അതുകൊണ്ടാണല്ലോ ഞാൻ ക്യാപറ്റൻസിയിലെത്തിയതെന്ന് റിയാസ് പറയുന്നു. എന്തുകൊണ്ടാണ് ബ്ലെസ്‌ലി ഫെയ്ക്ക് ആണെന്ന് തോന്നുന്നതെന്നും റിയാസ് വ്യക്തമാക്കി. പിന്നീട് ബ്ലെസ്‌ലിയുടെ ഊഴമായിരുന്നു. താൻ ഒരു ജോക്കർ തന്നെയാണെന്ന് വീണ്ടും പറയുകയാണ് ബ്ലെസ്‌ലി ചെയ്തത്. ഈ വീട്ടിൽ ബ്ലെസ്‌ലി പറഞ്ഞിരിക്കുന്ന പല കാര്യങ്ങളും അദ്ദേഹം യഥാർഥ ജീവിതത്തിൽ പോലും ഫോളോ ചെയ്യാത്ത കാര്യങ്ങളാണെന്ന് റിയാസ് പറയുന്നു.

റിയാസ് പറയുകയുണ്ടായി ഞാൻ ഒരു ഫൂളാണെന്ന് ബ്ലെസ്‌ലി പറയുന്നു. എന്നാൽ ഇത് തിരുത്തി താൻ ഫൂളിഷ് എന്നാണ് പറഞ്ഞതെന്ന് റിയാസ് പറഞ്ഞു. സീരിയസായി തന്നെ ഞാൻ പറയുകയാണ് ഞാൻ ഒരു ജോക്കർ തന്നെയാണ്. എനിക്ക് തോന്നുന്നു പ്രേക്ഷകർ എന്റെ കോമാളിത്തരവും എന്റെ തെറ്റുകൾ തിരുത്താനുള്ള ശ്രമവും മാറിചിന്തിക്കലും ഒക്കെ ആയിരിക്കും എന്റെ യോഗ്യതയെന്നാണ് ഞാൻ വിചാരിക്കുന്നത്. ആകെ എനിക്കുള്ള കഴിവ് ദൈവം തന്നിരിക്കുന്ന പാട്ട് പാടാനുള്ള കഴിവാണെന്ന് ബ്ലെസ്‌ലി പറയുന്നു.

എന്നാൽ നീ കോമാളിയാണെന്ന് ഞങ്ങൾ ഒരിക്കലും പറഞ്ഞിട്ടില്ലെന്നും, നീ തന്നെയാണ് നിന്നെ ജോക്കർ എന്ന് വിളിക്കുന്നതെന്നും ലക്ഷ്മിപ്രിയ പറഞ്ഞു. നിന്റെ കോമാളിത്തരത്തിൽ നിന്ന് കുട്ടികൾ പഠിച്ച എന്തെങ്കിലും കാര്യം പറയൂ എന്ന് ലക്ഷ്മിപ്രിയ പറഞ്ഞു. മെഡിറ്റേഷൻ എന്ന് പറയുന്നത് കോമാളികൾ ചെയ്യുന്നതല്ല എന്നും ലക്ഷ്മിപ്രിയ പറഞ്ഞു. ഒരു സ്പോൺസേർട് ടാസ്കോടെ ബിഗ് ബോസ് ഇന്നലത്തെ എപ്പിസോഡ് അവസാനിച്ചു.