ബംഗളൂരു: കർണാടകയിലെ വിസ്ട്രോൺസ് ഐഫോൺ ഫാക്ടറിയിൽ ഉണ്ടായ അക്രമവുമായി ബന്ധപ്പെട്ട് എസ്എഫ്ഐ നേതാവിനെ അറസ്റ്റ് ചെയ്തു. കോളാർ എസ്എഫ്ഐ താലൂക്ക് പ്രസിഡന്റായ ശ്രീകാന്ത് ആണ് അറസ്റ്റിലായത്. നേരത്തെ ബിജെപി എം എസ് മുനിസ്വാമി ആക്രമണത്തിന് പിന്നിൽ എസ്എഫ്ഐ ആണെന്ന് ആരോപിച്ചിരുന്നു.
''ബംഗളരുവിലെ ഐഫോൺ ഫാക്ടറിക്ക് നേരെയുണ്ടായ ആക്രമണത്തിന് പിന്നിൽ എസ്എഫ്ഐയാണ്. എസ്എഫ്ഐ പ്രാദേശിക നേതാവാണ് കലാപവുമായി ബന്ധപ്പെട്ട് അറസ്റ്റിലായത്.
ഇടത് ആശയം വിനാശകരവും സമൂഹത്തിൽ നിലനിൽക്കുന്ന സമാധാനത്തെ കെടുത്തുന്നതുമാണ്''- കർണാടക എബിവിപി ട്വീറ്റ് ചെയ്തു. എന്നാൽ, അറസ്റ്റ് രാഷ്ട്രീയ പ്രേരിതമാണെന്ന് എസ്എഫ്ഐ പ്രതികരിച്ചു. #standwithcomradesrikanth എന്ന പേരിൽ സോഷ്യൽമീഡിയ ക്യാംപയിനും എസ്എഫ്ഐ തുടക്കം കുറിച്ചു.