ന്യൂഡല്ഹി: പൗരത്വ നിയമ ഭേദഗതിയുമായി ബന്ധപ്പെട്ട് നടക്കുന്ന കലാപത്തില് അശോക് വിഹാറില് മുസ്ലീം പള്ളി അക്രമിക്കപ്പെട്ടു എന്ന തരത്തില് പുറത്തു വരുന്ന വാര്ത്തകള് വ്യാജമാണെന്ന് ഡല്ഹി പോലീസ്.
ഇത്തരമൊരു സംഭവം റിപ്പോര്ട്ട് ചെയ്തിട്ടില്ലെന്നും ഇത്തരം വ്യാജവാര്ത്തകള് ജനങ്ങള് വിശ്വസിക്കുകയോ പ്രചരിപ്പിക്കുകയോ ചെയ്യരുതെന്നും ഡല്ഹി പോലീസ് നോര്ത്ത് വെസ്റ്റ് സോണ് ഡിസിപി അറിയിച്ചു.
കലാപം വ്യാപിക്കുന്ന സാഹചര്യത്തില് എസ് എന് ശ്രീവാസ്തവ ഐപിഎസിനെ ക്രമസമാധാന ചുമതലയുളള സ്പെഷ്യല് കമ്മീഷണറായി നിയമിച്ചിട്ടുണ്ട്. അതേസമയം കലാപത്തില് മരണസംഖ്യ 13ആയി. കലാപത്തില് വെടിയേറ്റ 12 പേരെ കൂടി ഡല്ഹി ജിടിബി ആശുപത്രിയില് പ്രവേശിപ്പിച്ചു.