ഭര്‍ത്താവിന് കാമുകിയുണ്ടെന്ന് ഭാര്യയ്ക്ക് സംശയം....കാമുകിയുടെ ഭര്‍ത്താവിന്റെ ഫോട്ടോ ഉപയോഗിച്ച് പ്രൊഫൈല്‍ ഉണ്ടാക്കി ബന്ധുക്കളോട് അപമര്യാദയായി സംസാരിച്ചു...യുവതി അറസ്റ്റില്‍

സോഷ്യല്‍മീഡിയയില്‍ തന്റെ ഭര്‍ത്താവിന്റെ ഫോട്ടോ ഉപയോഗിച്ച് പ്രൊഫൈല്‍ ഉണ്ടാക്കി അജ്ഞാതന്‍ ബന്ധുക്കളോട് അപമര്യാദയായി സംസാരിക്കുന്നെന്ന് യുവതിയുടെ പരാതി.

പരാതിപ്രകാരം അഹമ്മദാബാദിലെ ഘാതോദിയിലെ താമസക്കാരിയായ ഏക്താ നിരര പട്ടേല്‍ എന്ന യുവതി പിടിയിലായി.. രണ്ട് പ്രൊഫൈലുകളാണ് ഫേസ്ബുക്കില്‍ ഇവര്‍ യുവതിയുടൈ ഭര്‍ത്താവിന്റെ ഫോട്ടോ ഉപയോഗിച്ച് ഉണ്ടാക്കിയിരുന്നത്. തന്റെ ഭര്‍ത്താവിന്റെ പേരില്‍ ആരോ ബന്ധുക്കളോട് അപമര്യാദയായി സംസാരിക്കുന്നുണ്ടെന്നറിഞ്ഞ ഇര പൊലീസിനെ സമീപിക്കുകയായിരുന്നു. പ്രതിയെ തിരിച്ചറിഞ്ഞതോടെ കേസ് സൈബര്‍ സെല്ലിനെ ഏല്‍പ്പിക്കുകയും ചെയ്തു.

സാങ്കേതിക സംഘത്തിന്റെ സഹായത്തോടെ, വ്യാജപ്രൊഫൈല്‍ ഉപയോഗിക്കാന്‍ ഉപയോഗിച്ച പ്രതിയുടെ ഐപി വിലാസവും ഫോണ്‍ നമ്പരും ട്രാക്കുചെയ്യാന്‍ ഉദ്യോഗസ്ഥര്‍ക്ക് സാധിച്ചു.

തന്റെ ഭര്‍ത്താവ് ഒരു് വിസ കണ്‍സള്‍ട്ടന്‍സി കമ്പനിയില്‍ ജോലി ചെയ്യുകയാണെന്നും അതേ കമ്പനിയില്‍ തന്നെയാണ് ഇര ജോലി ചെയ്യുന്നതെന്നും പ്രതി വ്യക്തമാക്കി. ഭര്‍ത്താവിന് അവരുമായി വിവാഹേതരബന്ധം ഉണ്ടെന്ന സംശയം കൊണ്ടാണ് പ്രതികാരം ചെയ്യാന്‍ അവരുടെ ഭര്‍ത്താവിന്റെ പേരില്‍ വ്യാജ പ്രൊഫൈല്‍ ഉണ്ടാക്കിയതെന്നും പ്രതി കുറ്റസമ്മതം നടത്തി.