ഷൂ കടയിലെ കണ്ണാടി മറിഞ്ഞുവീണ് 2 വയസ്സുകാരിക്ക് ദാരുണാന്ത്യം

റിവര്‍ഡെയ്ല്‍ (ജോര്‍ജിയ): ജോര്‍ജിയ റിവര്‍ഡെയ്ല്‍ പെലെസ് ഷൂ കടയില്‍ ചുമരില്‍ ഉറപ്പിച്ചിരുന്ന വലിയൊരു കണ്ണാടി മറിഞ്ഞു വീണു രണ്ടു വയസ്സുള്ള കുട്ടി മരിച്ചതായി റിവര്‍ഡെയ്ല്‍ പോലീസ് പറഞ്ഞു.മാര്‍ച്ച് 3 വെള്ളി രാത്രി 8 മണിക്കായിരുന്നു സംഭവം.

അറ്റ്‌ലാന്റാ ഹൈവേയില്‍ സ്ഥിതി ചെയ്യുന്ന ഷു സ്റ്റോറില്‍ സംഭവം നടന്ന ഉടനെ ഫയര്‍ഫോഴ്‌സും, പോലീസും എത്തിച്ചേര്‍ന്ന പ്രാഥമിക ചികിത്സ നടത്തിയെങ്കിലും ജീവന്‍ രക്ഷിക്കാനായില്ല.ഇഫ്‌റ സിഡിക്കിയും ഭാര്യും കുട്ടിയുമായാണ് ഷൂ സ്റ്റോറില്‍ എത്തിയത്.

അമ്മയും കുഞ്ഞു ചെരിപ്പ് തിരിയുന്നതിനിടെയാണ് കണ്ണാടി മറിഞ്ഞു വീണത്.സംഭവത്തില്‍ പെലെസ് ഷൂ കമ്പനി ഖദം പ്രകടിപ്പിച്ചു. അന്വേഷണത്തില്‍ പോലീസുമായി സഹകരിക്കും എന്നും അധികൃതര്‍ അറിയിച്ചു. സിദ്ദിക്കിയുടെ കൂടുതല്‍ വിവരങ്ങള്‍ പോലീസ് വെളിപ്പെടുത്തിയില്ല.

കടയിലെ ഷെല്‍ഫുകളും, കണ്ണടകളും കൃത്യമായി ഉറപ്പിച്ചിട്ടുണ്ടോ എന്ന് പരിശോധിക്കണമെന്നും, ഇത്തരത്തിലുള്ളൊരു അപകടം ഇനിയും ആവര്‍ത്തിക്കരുതെന്ന് സിദ്ദിക്കി ആവശ്യപ്പെട്ടു.