കിളിമാനൂർ: മദ്യലഹരിയിൽ അമ്മയെ മർദിക്കുന്നത് തടയാൻ ശ്രമിച്ച മകനെ വെട്ടുകത്തി കൊണ്ട് വെട്ടിക്കൊലപ്പെടുത്താൻ ശ്രമിച്ച കേസിൽ പിതാവിനെ പള്ളിക്കൽ പൊലീസ് അറസ്റ്റ് ചെയ്തു.
മടവൂർ പടിഞ്ഞാറ്റേല മഠത്തിൽവിള പുത്തൻവീട്ടിൽ ശ്രീകുമാർ (52) ആണ് പിടിയിലായത്. തലയ്ക്ക് വെട്ടേറ്റ മകന് ഗുരുതര പരിക്കുണ്ട്.
പള്ളിക്കൽ സബ് ഇൻസ്പെക്ടർ ശരത്ലാൽ, ഗ്രേഡ് എസ്. ഐ സജിത്, സീനിയർ സിവിൽ പൊലീസ് ഓഫിസർ ജയപ്രകാശ്, ഹോം ഗാർഡ് ഭദ്രൻ എന്നിവർ ചേർന്ന് അറസ്റ്റ് ചെയ്ത പ്രതിയെ കോടതിയിൽ ഹാജരാക്കി റിമാൻഡ് ചെയ്തു.