രാത്രി മദ്യപിച്ചെത്തി ഭാര്യയെ ക്രൂരമായി മര്‍ദിച്ചു; അമ്മയെ ഉപദ്രവിക്കുന്നത് തടയാനെത്തിയ മകനെ പിടിച്ചുതള്ളി; തല ഭിത്തിയില്‍ ഇടിച്ച് 17കാരന് ദാരുണാന്ത്യം, പിതാവ് അറസ്റ്റില്‍; സംഭവം കോഴിക്കോട്‌

കോഴിക്കോട് : രാത്രി മദ്യപിച്ചെത്തി അമ്മയെ ഉപദ്രവിച്ച അച്ഛനെ തടയാനെത്തിയ മകന് ദാരുണാന്ത്യം. അമ്മയെ മര്‍ദ്ദിക്കുന്നത് തടയുന്നതിനിടെ അച്ഛന്‍ പിടിച്ചുതള്ളിയ പതിനേഴുകാരന് തല ഭിത്തിയില്‍ ഇടിച്ചാണ്‌ ജീവന്‍ നഷ്ടപ്പെട്ടത്.

കോഴിക്കോട് ബാലുശ്ശേരി കിനാലൂരിലാണ് സംഭവം. അരയിടത്ത് വയല്‍ വേണുവിന്റെ മകന്‍ അലനാണ് മരിച്ചത്. സംഭവത്തെ തുടര്‍ന്ന് പിതാവ് വേണുവിനെ പൊലീസ് അറസ്റ്റ് ചെയ്തു.