യുഎഇ കോണ്‍സുലേറ്റ് ബാഗ് കള്ളക്കടത്ത്; ഫാസില്‍ ഫരീദ് വ്യാജമല്ല; ദൃശ്യങ്ങള്‍ പുറത്ത്‌

കൊച്ചി: യുഎഇ കോണ്‍സുലേറ്റ് ബാഗ് കള്ളക്കടത്ത് കേസിലെ പ്രധാനി തൃശൂര്‍ കൊടുങ്ങല്ലൂര്‍ സ്വദേശി ഫാസില്‍ ഫരീദിന്റെ ആദ്യ ചിത്രങ്ങള്‍ പുറത്ത്. സ്വകാര്യ ചാനലാണ് ഫാസില്‍ ഫരീദിന്റെ ദൃശ്യങ്ങള്‍ പുറത്തുവിട്ടത്.സ്വര്‍ണക്കടത്ത് കേസിലെ മൂന്നാം പ്രതിയാണ് ഫാസില്‍.

യുഎഇയില്‍ നിന്നും സ്വര്‍ണമടങ്ങിയ നയതന്ത്ര ബാഗ് തയ്യാറാക്കി വിട്ടത് ഫാസിലാണെന്ന് സരിത് മൊഴി നല്‍കിയിരുന്നു. എന്നാല്‍ ഫാസില്‍ ഫരീദെന്ന പേര് വ്യാജമാണെന്ന കണക്കുകൂട്ടലിലായിരുന്നു അന്വേഷണ സംഘം . ഇതിനിടയിലാണ് ഫാസിലിന്റെ ദൃശ്യങ്ങള്‍ സ്വകാര്യ ചാനല്‍ പുറത്തുവിട്ടിരിക്കുന്നത്. ദുബായിലെ ഒരു വില്ലയിലാണ് ഫാസില്‍ താമസിക്കുന്നതെന്നാണ് റിപ്പോര്‍ട്ട്.

ചിത്രം കടപ്പാട്: മനോരമ ചാനല്‍