ഐഎസ്ആര്ഒ ചാരക്കേസില് ബഹിരാകാശ ശാസ്ത്രജ്ഞന് നമ്പി നാരായണന് നഷ്ടപരിഹാരം നല്കാനുള്ള സുപ്രീം കോടതി വിധിയ്ക്ക് മുന്പേ തീരുമാനിച്ചിരുന്നതാണ് അദ്ദേഹത്തിന്റെ ജീവിതം പറയുന്ന സിനിമ. തമിഴ്, തെലുങ്ക്, ഹിന്ദി ഭാഷകളിലായി ആനന്ദ് മഹാദേവന് സംവിധാനം ചെയ്യുന്ന സിനിമയില് മാധവനാണ് നമ്പി നാരായണനാവുന്നത്. നമ്പി നാരായണന് തന്നെ രചിച്ച 'റെഡി ടു ഫയര്: ഹൗ ഇന്ത്യ ആന്റ് ഐ സര്വൈവ്ഡ് ദി ഐഎസ്ആര്ഒ സ്പൈ കേസ്' എന്ന പുസ്തകത്തെ ആസ്പദമാക്കിയുള്ള സിനിമ ഒഫിഷ്യല് ആയി അനൗണ്സ് ചെയ്തിരിക്കുകയാണ് മാധവന്.
"ഈ ലോകത്ത് എത്രയോ വ്യക്തികളുടെ കഥകളുണ്ട്. അതില് ചിലതെല്ലാം നിങ്ങള് കേട്ടിരിക്കാം. ചിലത് നിങ്ങളുടെ കാതുകളിലേക്കെ എത്തില്ല. എന്നാല് ചില കഥകള് കേള്ക്കാതെ ഇരിക്കുകയെന്നാല് നിങ്ങളുടെ രാജ്യത്തേക്കുറിച്ച് വളരെ കുറച്ചേ നിങ്ങള്ക്ക് അറിയുകയുള്ളൂ എന്നാണ് അര്ഥം. നമ്പി നാരായണന്റെ കഥ അത്തരത്തില് ഒന്നാണ്. അദ്ദേഹത്തിന്റെ കഥ നിങ്ങള് കേട്ടാല്, ആ നേട്ടങ്ങളെക്കുറിച്ച് അറിഞ്ഞാല്, നിശബ്ദനാവാന് നിങ്ങള്ക്ക് കഴിയില്ലെന്ന് ഞാന് പറയുന്നു. റോക്കട്രി: ദി നമ്പി ഇഫക്ട്. ഇതേക്കുറിച്ച് അറിയാത്തവര് അറിയട്ടെ. അറിയുമെന്ന് കരുതുന്നവര്ക്ക് ഇതൊരു തിരിച്ചറിവായിരിക്കും. ഒക്ടോബര് 31ന് ടീസര് എത്തും. രാവിലെ 11.33ന് " മാധവന് പറയുന്നു
https://www.instagram.com/actormaddy/?utm_source=ig_embed