ബംഗളൂരു : അമേരിക്കന് വാഹന നിര്മ്മാതാക്കളായ ഫോര്ഡിന്റെ കോംപാക്ട് എസ്യുവി എക്കോസ്പോര്ട്ടാണ് യാത്രികന്റെ ജീവന് രക്ഷിച്ച് വാര്ത്തകളിലെ താരമായത്. ബംഗളൂരു എയര്പോര്ട്ട് റോഡിലായിരുന്നു അപകടം. കാറിന്റെ ഡാഷ്ബോര്ഡിലെ ക്യാമറയിലാണ് അപകടം ദൃശ്യം പതിഞ്ഞത്.
Advertisment
കുറഞ്ഞ വേഗതയില് റോഡിന്റെ മധ്യനിരയിലൂടെ സഞ്ചരിക്കുന്ന കാറിനെയും എതിര്ദിശയില് നിന്നും നിയന്ത്രണം നഷ്ടപ്പെട്ട് മുകളിലേക്ക് പാഞ്ഞെത്തുന്ന ട്രക്കിനെയും വീഡിയോയില് കാണാം.
ട്രക്കിന്റെ ടയര് പഞ്ചറായതിനെ തുടര്ന്നാണ് നിയന്ത്രണം നഷ്ടപ്പെട്ടതെന്നും തുടര്ന്ന് ഡിവൈഡറില് ഇടിച്ച് എക്കോ സ്പോര്ട്ടിലേക്ക് മറിയുകയായിരുവെന്നുമാണ് റിപ്പോര്ട്ടുകള്.
റോഡിലൂടെ തെന്നിമറിഞ്ഞെത്തിയ ലോറി എക്കോ സ്പോര്ട്ടിന്റെ മുന്നില് ഇടിച്ചാണ് നിന്നത്. സൈഡ് എയര്ബാഗ് റിലീസായതിനാല് ഒരു പോറല് പോലും ഏല്ക്കാതെ ഡ്രൈവര് പുറത്തേക്കിറങ്ങുന്നതും വീഡിയോയില് വ്യക്തമാണ്.