മുന്‍ രഞ്ജി താരത്തിന് ക്രിക്കറ്റ് മത്സരത്തിനിടെ ദാരുണാന്ത്യം

പനാജി: രഞ്ജി ട്രോഫി മുന്‍ താരം രാജേഷ് ഗോഡ്‌ജേയ്ക്ക് ഗ്രൗണ്ടില്‍ ദാരുണാന്ത്യം. മഡ്ഗാവില്‍ നടന്ന പ്രാദേശിക ക്രിക്കറ്റ് ടൂര്‍ണമെന്‍റിനിടെ 46കാരനായ താരം മൈതാനത്ത് കുഴഞ്ഞുവീഴുകയായിരുന്നു. ഉടനെ ആശുപത്രിയില്‍ പ്രവേശിപ്പിച്ചെങ്കിലും മരണം സംഭവിച്ചു.

മൈതാനത്ത് കുഴഞ്ഞുവീഴുമ്പോള്‍ 30 റണ്‍സുമായി നോണ്‍ സ്‌ട്രൈക്കര്‍ എന്‍ഡില്‍ ബാറ്റുചെയ്യുകയായിരുന്നു രാജേഷ്. ഗോവയ്ക്കായി രണ്ട് രഞ്ജി മത്സരങ്ങള്‍ കളിച്ചിട്ടുണ്ട്. തൊണ്ണൂറുകളില്‍ സംസ്ഥാനത്തെ ഏഴ് ഏകദിന മത്സരങ്ങളില്‍ പ്രതിനിധീകരിച്ചിട്ടുണ്ട്.