മുന്‍ രഞ്ജി താരത്തിന്റെ മരണം കൊലപാതകം; മകന്റെ അറസ്റ്റിന് പിന്നാലെ അയൽവാസിയും പിടിയിൽ ‍

തിരുവനന്തപുരം: മുന്‍ രഞ്ജി താരം കെ.ജയമോഹന്‍ തമ്പിയുടെ മരണം കൊലപാതകമെന്ന് തെളിഞ്ഞു. മകന്‍ അശ്വിന്‍ തിരുവനന്തപുരത്ത് അറസ്റ്റിലായി. ജയമോഹന്‍ തമ്പിയെ മകന്‍ തള്ളിയിട്ടെന്ന് പൊലീസ് പറയുന്നു.

നെറ്റിയിലെ ആഴമുള്ള മുറിവാണ് മരണകാരണമായത്. അയല്‍വാസിയേയും കസ്റ്റഡയിൽ എടുത്തു. കഴിഞ്ഞ ദിവസമാണ് ജയമോഹന്‍ തമ്പിയെ വീടിനുളളില്‍ മരിച്ചനിലയില്‍ കണ്ടെത്തിയത്.

തമ്പിയുടെ വീടിനു മുകളില്‍ താമസിക്കുന്നവര്‍ ദുര്‍ഗന്ധത്തെ തുടര്‍ന്ന് പരിശോധന നടത്തുകയായിരുന്നു. 1982-84 കാലഘട്ടത്തി​ൽ കേരളത്തി​നായി​ ആറു രഞ്ജി​ ട്രോഫി​ മത്സരങ്ങൾ കളി​ച്ചി​ട്ടുണ്ട്. രണ്ട് വർഷം അതിഥിയായി എസ്ബിടിക്കു വേണ്ടി കളിച്ചതിന് ശേഷമാണ് ജോലിയിൽ പ്രവേശിച്ചത്. ബാങ്കിനായി 20 വർഷം കളിച്ചു.