ആരോഗ്യ പ്രവർത്തകർക്കുള്ള വാക്സിൻ നിയമങ്ങള്‍ ​ഫ്രാൻസ് കർശനമാക്കുന്നു, വാക്‌സിന്‍ സ്വീകരിച്ചില്ലെങ്കില്‍ സസ്‌പെന്‍ഷനെന്ന് മുന്നറിയിപ്പ്‌

ഫ്രാന്‍സ്‌: ആരോഗ്യ പ്രവർത്തകർക്കുള്ള വാക്സിൻ നിയമങ്ങള്‍ ​ഫ്രാൻസ് കർശനമാക്കുന്നു. ഫ്രഞ്ച് സർക്കാർ ബുധനാഴ്ച പതിനായിരക്കണക്കിന് ആരോഗ്യ പ്രവർത്തകരോടും കോവിഡ് -19 വാക്സിൻ സ്വീകരിക്കണമെന്നും അല്ലാത്തപക്ഷം സസ്‌പെന്‍ഷന്‍ നേരിടേണ്ടി വരുമെന്നും മുന്നറിയിപ്പ് നല്‍കി.

ബുധനാഴ്ച മുതൽ, ആശുപത്രി ജീവനക്കാർ, ആംബുലൻസ് ഡ്രൈവർമാർ, റിട്ടയർമെന്റ് ഹോം ജീവനക്കാർ, സ്വകാര്യ ഡോക്ടർമാർ, ഫയർ സർവീസ് അംഗങ്ങൾ, പ്രായമായവരെ അല്ലെങ്കിൽ അവരുടെ വീടുകളിൽ അവശരായവരെ പരിപാലിക്കുന്ന ആളുകൾ എന്നിവര്‍ കുറഞ്ഞത് ഒരു ഡോസ് വാക്‌സിന്‍ എങ്കിലും സ്വീകരിച്ചിട്ടുണ്ടെന്ന് തെളിയിക്കണം.

പ്രസിഡന്റ് ഇമ്മാനുവൽ മാക്രോൺ രണ്ട് മാസം മുമ്പ് അന്ത്യശാസനം പുറപ്പെടുവിച്ചെങ്കിലും പതിനായിരക്കണക്കിന് പരിചാരകർക്ക് പ്രതിരോധ കുത്തിവയ്പ് ലഭിച്ചിട്ടില്ല.